बोसोरफ्रोमबो खुंबोबाय थानाय बादियै देग्लायबो अख्रां The Sky नि बान्जायनायाव 6थि बुरखां दिन्थिगासे थुनफावथाइ बादायलायनायखौ साननैनि हाबाफारिजों खुंफुंबाय। बे बोसोरनि थुनफावथाइ बादायलायनाय आयदाया “बड’फानि सानथौ आरो नोजोर” बेनि सायाव दिन्थिफुंनाय जादों।
आसाम राज्योनि दाब-दाब जिल्लानि फरायसालिमाफोरनि हान्जा, गामि आफाद आरो क्लाब बायदिफोरा बे थुनफावथाइ बादायलायनायाव बाहागो लानायखौ नुनो मोन्नाय जादों।
बे हाबाफारियाव बिटिआर नि मावफुं सोद्रोमा दावबायसा बर’आ बुरखां दिन्थिगासे थुनफावथाइ बादायलायनायखौ बेखेवनानै होयो। एम अख्रां बर’नि नाजानायाव बोसोरफ्रोमबो दिन्थिफुंनाय बे थुनफावथाइ बादायलायनायखौ उननि समाव मदद होलांनाय बाथ्राखौ फोरमायथिदों मावफुं सोद्रोमा दावबायसा बर’आ।
मख’नो गोनांदि, बुरखां दिन्थिगासे थुनफावथाइ बादायलायनायनि बान्था महरै सेथियाव 22,222 रां, नैथियाव 17,777 रां आरो थामथियाव 12,222 रां आरो साबसिन फावखुंगुर, साबसिन फावखुंग्रि, साबसिन बिथोनगिरि आरो साबसिन देंखो बिथोनगिरि बान्था महरै 4,444 रांजों लोगोसेनो फोरमान बिलाइ होनाय जागोन होन्नानै एम अख्रां बर’आ फोरमायथियो।
