गाबोननिफ्राय ABSU नि बान्जायनायाव मोनसे गेदेर “सुबुं सांग्रांथि” हान्जा सुरनाय हाबाफारि लागोन।

गुबुनारिया आयेन बेरेखायै हाबफैनायखौ होबथानाय, समाजारि जेंनाफोर जेरै द्राग्स जानाय, जौ आरो फेग्रा मुवा लोंनाय, जुवा गेलेनाय बायदिखौ होबथानाय, उन्दै बैसोआव हाबा लानाय आरो मानसि लांखारनायखौ होबथानाय, दायना-दायनि आरो खोमसि फोथायनायखौ फोसाबनाय, गुणगोनां सोलोंथाइ होनायनि सायाव गोनांथि होनाय, जेलाव थानाय बारग’ सोमावसारगिरिफोरखौ उदां खालामनो बयबो बिबान लानानै खामानि मावनाय, THE SCHEDULED TRIBES AND OTHER TRADITIONAL FOREST DWELLERS (RECOGNITION OF FOREST RIGHTS) ACT, 2006 खौ बाहायनाय, आदब आरो गुणगोनां सोलोंथाइनि गेजेरजों बर’ हारिखौ जौगासार होनाय बे थांखिफोरखौ लानानै दुलाराय बर’ फरायसा आफादा आसाम नाङैनो मोनसे गेदेर सुबुं सांग्रांथि हान्जा सुरनाय हाबाफारि लादों। बे हाबाफारिया फैगौ 29 अक्ट’बर, 2022 खालारनिफ्राय चिरां जिल्लानि रौमारि दालाइ एबसुनिफ्राय जागायगोन ।