तामुलपुर, 20 जुन 2022 : तामुलपुर नाग्रिजुलिनि घिलाझाराव जाब्रबथाय, दैयाव ना सारनो थांनानै सासे सुबुं गोमादों।तामुलपुर जिला साहपुर बाल्टीफार गामिनि अरजुन बर’ (33) मुंनि सासे सुबुंआ बर’लियाफार दैमायाव ना सारनो थांनानै गोमायो।
बाल्टीफार गामिनि बरुंसारि फुनि बर’नि फिसाज्ला अरजुन बर’आ भालुकमारि गामिनि मिजिं दैमारि, सनजिब मुसाहारि, भद्रेस्वर नार्जारि मुंनि साथाम लोगोजों ना सारनो थांदोंमोन। नाथाय बर’लिया दैमाखौ बारनाय समावनो सानस्रिनो रोङै अरजुन बर’आ दैयाव गब’यो। लोगोफ्रा बासायनो नागिरदोंमोन ब्लाबो नाथाय बासायनो हायासै। जाथायखौ मोनथिनाय लोगो लोगो 58नं तामुलपुर बिधानसभा बियाबनि एमएलए जलेन दैमारिया जाथाय जानाय जायगायाव फैनानै खौरां लायो आरो एनदिआरएफ, आरो एसदिआरएफनिफ्राय नागिरदोंमोनब्लाबो दासिम सुबुंखौ नागिरना मोननो हानाय जायाखै।
