जम्मु-काश्मीर, 3 मे 2022: दिनै दुलाराय भारत हादरनि गेजेराव इस्लाम धोरोमनि मुसलमान सुबुंफोरा ईद फोरबोखौ फालिनाय नुनो मोन्दों। नाथाय इस्लाम धोरोमनि गोथार फोरबोनि समावनो जम्मु-काश्मीराव हिंसायारि जाथाया नुजाथिदों। मोनसे सुलुंनिफ्राय मिथिनो मोन्नाय बादिब्ला, जम्मु-काश्मीरनि आनान्तनाग जिल्लायाव दिनै ईदनि नामाज फरायनाया जोबखांनाय लोगो-लोगोनो रैखाथि हान्जाखौ थांखिनानै अन्थाय खुबैयो।
मखनो गोनांदि, ईदनि सिगांनो थांनाय समबारखालि राजस्ताननि जोधपुरआव हिंसायारि जाथाया नुजाथिखांनायनि उनाव जम्मु-काश्मीरनि आनान्तनाग जिल्लायाव दिनै फुंनि समाव नामाज फरायखांनाय लोगो-लोगोनो रैखाथि हान्जानि सायाव अन्थाय खुबैनाय जाथाया नुजाथिबावदों। बे जाथायनि दुंहाव थासारिखौ मिथिनानै रैखाथि हान्जा आरो जायगानि पुलिसआ फैनानै थासारिखौ दबथायो। नाथाय मुसलमान सुबुंफोरनि अन्थाय खुबैनायाव माखासे रैखाथि जवानफोरजों लोगोसे सुबुंफोराबो जोखोम जादों होन्नानै मिथिनो मोन्दों। रायखांनो गोनांदि, जम्मु-काश्मीराव रैखाथि हान्जानि सायाव थागिबि सुबुंफोरनि अन्थाय खुबैनाय आरो हरखाबै गाग्लोबनाय जाथाया गोदान नङा। बेबायदिनो दिनै नामाज फरायखांनायनि उनावनो रैखाथि हान्जानि सायाव हरखाब अन्थाय खुबैनाय जाथाया नुजाथिबावदों।
