कार्बि आंलं, 3 जुन, 2022: कार्बि आंलं गावखुंथाइआरि बिसाइख’थिआ खुंजानो आरो बारा गोबाव सम गैला। बे बिसाइख’थिआ सोलिफु दाननि 8 जुन अक्ट’खालि खुंफुंजागोन। गुबुन गुबुन राजखान्थि हान्जाया गाव गावनि दोलोखौ देरहासार खालामनो थाखाय बिसाइख’थिनि फोसावदिं मेलखौ गोख्रो खालामदों। BJP दोलोआबो गावसिनि बिजाथिखौ देरहासार खालामनो थाखाय फोसावदिंखौ गोख्रों खालामदों। कार्बि आंलं गाव खुंथाइनि CEM Tuliram Ronghang आबो BJP दोलोनि देरहासारनाया रोखा होननानै फोरमायदों। मानोना ओनसोलनि जौगानाय लाबोनायानो BJP दोलोनि गाहाइ आयदा होननानै बिथाङा फोरमायदों।
बे बिसाइख’थिनि थाखाय आसामनि गिबि मन्त्रि ड. हिमन्त बिस्व शर्माआबो दोलोनि जानानै मैखोमै फोसावदिं खालामनायखौबो नुनो मोन्दों। मिथिनो मोननाय बायदिब्ला, कार्बि आंलं गावखुंथाइआव गासै 26 बियाबनि थाखाय बिसाइख’थिया जागोन। आरो गासै 163 बिजाथिफोरा बाहागो लागोन। मोनसेनि उनाव मोनसे फोसावदिं मेल आरो हान्जा सुरनाय हाबाफारियाव गिबि मन्त्रि ड. हिमन्त बिस्व शर्माआ बाहागो लानायखौ नुगासिनो दङ।
