पाटसाला, 4 मे 2022: आसामनि बजालि जिल्लानि पाटसालायाव दिनै हरखाब मोब्लिबजों बोजानाय सानै सुबुंनि गेजेराव सासेआ जिउ गोमायो। पाटसालानि टिटकाआव गंसे पाइपखौ गुबुनजों सरजाबनायनि खामानिखौ सा 3 सुबुंफोरा मावगासिनो दंमोन। बे समावनो हरखाब 11 रोजा भल्टनि टारआव नांनानै सानै सुबुंआ मोब्लिबजों बोजायो आरो गुबुन सासेआ जायगायावनो जिउ गोमायो। जाथायाव जिउ गोमानाय सुबुंखौ पाटसाला काटाकुसिनि थागिबि कर्गेस्वर रय होन्नानै मिथिनाय जादों। फारसेथिं, मोब्लिबजों बोजानानै गोब्राब जोखोम मोन्नाय सुबुंखौ पाटसालानि देहा फाहामसालियाव थिसन्नाय जाबाय।
बे जाथायखौ मिथिनानै पाटसालानि पुलिस हान्जाया जाथायथिलियाव सहैना खौरां लायो आरो जाथायखौ मिथिनो थाखाय संदान्नायबो जायो। उनाव पुलिसआ जाथायाव जिउ गोमानाय सुबुंनि गोथै सहखौ पस्ट मर्टेम खालामनो थाखाय बरपेटा मेडिकेल कलेजआव थिसन्नाय जायो।
