गोदान दिल्ली,2 आगस्ट 2022: मुलुगआव माखासे सुबुंफोर दं। जायफोरखौ बैसो जाब्लाबो उन्दै बायदि नुयो। जायनि जाहोनाव बिसोरो सुबुंफोरजों नोजोर होजाया। बेबायदि जाथाया चीननि 27 बोसोर माअ शेन्गनि सायाव जादों।
चीननि ग्वान्गडंग ओनसोलाव माअ शेन्गआ थायो। बेनि बैसोआ 27 बोसोर। नाथाय बेखौ 12 बोसोरनि गथ’ बायदिसो नुयो। माअ शेन्गआ बिफानि देहाआ गाज्रि जानायाव रां खान्थिनि हेफाजाब होनो थाखाय साख्रि नागिरो। नाथाय उन्दै बायदि नुनायनि जाहोनाव बेनो रावबो साख्रिखौ होयाखै।
माअया बुंदों माखासे साख्रि मावग्राफोरा गथ’ बायदि नुनायनि जाहोनाव गावनि सायाव बैसोनि सायाव थगायनायनि दाय जाबसिनदों। गुबुन माखासे साख्रि मावग्राफोरा सानदोंदि गावनि नुजाथिनाया बिबानगिरिफोरनि गेजेराव जोंना सोमजि होनो हागौ आरो गावखौ नुब्लानो Child Labour आयेनखौ सिफायनायनि सोंथि सोंनो हागौ। खनले खनले साख्रि नागिरब्लाबो मोनयैनि जाहोनाव बियो गावनि दुखुखौ फोरमायनो टिक टक बिडिअ बानायो। माअया बुंदों गाव बिफाऩो रां-खान्थिनि हेफाजाब होनो थाखाय साख्रिखौ नागिरबाय थादोंमोन। मानोना बिफाया स्ट्रक जानायनि उनाव लासै लासै साबखांबोदोंमोन।
गाव आरो गावनि लोगोआ शहरनि गंसे फेक्ट्रिआव खामानि नागिर हैयो। नाथाय लोगोयासो साख्रिखौ मोननायाव माअनि गोसोआ बायो। नाथाय माअनि टिक टक बिडिअया भाइरेल जाब्ला माखासे साख्रि होग्राफोरनि फनआ बिनाव फैयो। अडिटी सेन्ट्रेलनि बायदिब्ला माअया मोनसे साख्रिखौ मोननो हाबाय आरो बे साख्रिजोंनो बियो बिफाखौ रां-खान्थिनि हेफाजाब होनो हागोन होननानै आसा खालामदों।
