जम्मु-काश्मिरनि शपियाआव रैखाथि सान्थ्रि आरो उदखारिनि गावलायनाय सा 3 उदखारिफोरा जिउ खहा ।

0
140
Terrorist gun down in Jammu Kashmir

श्रीनगर, 31 आगष्ट, 2022: जम्मु-काश्मिरनि शफिया जिल्लायाव मंगलबारखालि रैखाथि हानजा आरो उदखारिजों गावलायनाय जाथाइयाव सा 3 उदखारिफोरा जिउ गोमादों । शफियानि नागबल ओनसोलआव उदखारिफोर हाबफैनायखौ पुलिसनि सासे बिबानगिरिआ रैखाथि हानजानो स्रोद खौरां हरनायनि उनाव नायबिजिरनाय हाबाफारिनि गेजेरजों ओनसोलखौ बेंदिंना लादोंमोन । बे समावनो रैखाथि हानजा आरो उदखारिफोरनि गेजेराव गावलायनाय जाथाइया सोमजियो । जेराव रैखाथि हानजाया सा 3 उदखारिफोरखौ गावथारो । पुलिस बिबानगिरिआ बुंथिनाय बादिब्ला गावथारजानाय उदखारिफोरा लश्कर-ए-तैयबानि सोद्रोमामोन । काश्मिरनि DGP भिजय कुमारआ टुइटारनि गेजेरजों गावथारजानाय सा 3 उदखारिफोरखौ लश्कर-ए-तैयबानि सोद्रोमा दानिश खुर्सीद भट, तनभीर वानी आरो तौसिफ भट होनना बुंथिदों । बिसोरो गोबां उदखार खामानि मावनायजों लोब्बा दंमोन । दानिशआ शफियाआव लाइमोनफोरखौ उदखारिनि लामायाव लांनाय खामानियाव आखाइ दंमोन । बेनि अनगायैबो बावैसो सान सिगां बियो रैखाथि हानजानि सायाव ग्रेनेडजों गाग्लोबदोंमोन । नाथाय बियो बे समाव रैखाथि हानजानि आखाइनिफ्राय खारखोमानानै गदोंमोन । नाथाय बे खेबआव बियो रैखाथि हानजानि आखाइयाव गावनि जिउखौ फोजोबनानै लानाङो ।

LEAVE A REPLY

Please enter your comment!
Please enter your name here