गुवाहाटी,17 जुन 2022: थांनाय माखासे साननिफ्रायनो थाद’नाय गोयै अखा हानायनि जाहोनाव आसामाव गोबां दै बाना लोमसावदों।19782.80 हेक्टर आबाद मावग्रा हा आरो गासै मोन 1,510 गामिफोराव दै बाना लोमसावजोबदों।गोबां दै बाना लोमसावनायनि जाहोनाव थांना 24 धन्टायाव आसामाव सा 4 सुबुंफोरनि जिउ खहा जादों।
आसामनि मोन 25 जिल्लाफोरनि सा 11.09 लाख सुबुंफोर आरो गं 72 revenue circles अफिसयाव दै बाना लोमसावनाया गाज्रि गोहोम गोग्लैदों।मानास,पाग्लादिया,पुतिमारि,कपिलि,गौरां आरो ब्रह्मपुत्र दैमायाव दैया खैफोतनि नेर्सोन होनाय दागोनिफ्राय गोजौसिनाव बोहैदों।थाद’नाय गोयै जुब जुब अखा हाबाय थानायनि जाहोनाव आसामनि माखासे जायगाफोरावबो हा दामोलआ गिसिखादों।
दै बाना लोमसावनायनि जाहोनाव कामरुप खुंथाया सोलोंथाय फसंथानखौ बन्द खालामदों।डिमा हासाव खुंथायाबो सोलांथांनाय फसंथानखौ दै बाना लोमसावनायनि थाखाय 15 जुननिफ्राय 18 जुनसिम बन्द खालामदों।
नलबारि,गवालपारा आरो रङिया स्टेसननि रेल लामायावबो दै बाना लोमसावनायनि जाहोनाव मोन 6 ट्रेनफोरखौ केन्सेल खालामनाय जादों।तामुलपुरनि माखासे गामिफोरजों लोगोसे केकेरिकुची,दवारकुसि आरो बडलेन्ड चकयावबो गोबां दै बाना लोमसावदों।
