डिब्रुगड़, 4 मे 2022: आसाम राज्योनि डिब्रुगड़ जिल्लायाव दिनै मोनसे गिदिर जुलि होनाय हाबाफारि खुंदों। मिथिनाय बादिब्ला, डिब्रुगड़आव खुंनाय बे गिदिर जुलियाव मोन 51 हौवा-हिन्जावनि जराखौ जुलि होयो। मारवारि युब मन्स, डिब्रुगड़ प्रागति संघ, धर्मजागरन आरो सामानभ्य असमनि जुथायै बान्जायनायाव मोन 51 जराखौ जुलि होयो। बे जुलिनि हाबाफारिखौ खुंनाय बिबानगिरिया फोरमायनाय बादिब्ला, रांखान्थि आंखाल आरो माखासे जेंनानि थाखाय बिसोरो गाव-गावनि जुलिखौ लानो हायाखैमोन।
बेखौ नोजोर होनानै खेबसेयैनो मोन 51 हौवा-हिन्जावनि जराखौ जुलि होयो आरो जुलिखौ लानाय साफ्रोमबो हौवा गोदान आरो हिन्जाव गोदानआ गोजोन, रंजा-खुसि फोरमायदों होन्नानै बान्जाय आफादनि बिबानगिरिया बुङो। फारसेथिं, जुलिखौ लानाय जरासे हौवा-हिन्जाव गोदानआ ओरैबादि बुंदों, बान्जाय आफादनि अन्नाय गैयामोनब्ला जों जोंनि जुलिखौ जाफुंसारहोनो हानाया गोब्राबमोन आरो जोंनि जुलियाव गोबां सुबुंफोरा सफैनानै अन्थोबखौ होफैदों होन्नानै फोरमायबावदों।
