बिटिआरनि सोरखारनि बानजायनायजों खुंफुंजानाय Inter 6th Schedule Premier league नि बाक्सा जिल्लानि मुसलपुर बाथौफुरिआव KARBI ANGLONG AUTONOMOUS COUNCIL आरो TRIPURA TRIBAL AREAS AUTONOMOUS DISTRICT COUNCIL नि गेजेराव गोख्रों बादायलायनाय जायो । बे जोलुर बादायलायनायाव कारबिआंलं अट’नमास काउन्सिल गलसे जोसननो हानानै ट्रिपुरा ट्राइबेल एरिया अट’नमास डिस्ट्रिक्ट काउन्सिलनि हेंथायै देरहासार जानो हायो । बाक्सा जिल्लानि मुसलपुराव खुंफुंजानाय बे जोलुर बादायलायनायखौ बिटिआरनि मावफुं सोद्रोमा राकेश ब्रह्मया बेखेवनानै होयो । आरो खुंथाइ गोहो सोरखारनि बानजायनायाव खुंफुंजानाय बे जोलुर बादायलायनायजों जोंनि हालामनि ओन्सोलनि लाइमोन खेला गेलेगिरिफोरा थुलुंगाखां मोननो हागोन होनना बुंथियो । बाक्सानि मुसलपुर बाथौफुरियाव खुंजानाय बे जोलुर बादायलायनायाव बिटिआरनि गेलेमु बिफाननि मावफुं सोद्रोमा दावबायसा बर’या थांखिखौ बेखेवनानै होयो । EM दावबायसा बर’या बुंथियोदि माखासे दुथां सुबुंफोरा समाजनि हारिनि थाखाय दासिमबो मोजां साननाय गैया बेनिखायनो ISPL नि बरायनाय होनाय पस्टारफोरखौ बिसिगारदों जाय जाथाइया मुगैथाव आरो सोंखारिजाथाव बेफोरबादि मानसिखौ हमनानै साजा होनाय जागोन होनना बुंबावो ।
