मेघालया, 18 जुन, 2022: सा सान्जा भारतनि मेघालया रायजोनि सिङाव थानाय उमियाम बान्दोखौ हगारनो हागौ। ओनसोलाव गोबां अखा हानायनि जाहोनाव बान्दोनि दैआ नांनायनि बारा जानायाव हगारनो नायगिरनायखौ मिथिनो मोन्दों। जायनि जाहोनाव आफां आसामनि गं 2 जिल्लाफोराव बै बाना सोमजिनायनि इसाराखौ मोनदों। जुब-जुब नागारनो रोङै गोबां अखा हानायनि जाहोनाव आसामनि गोबां बाहागोआव दै बाना सोमजिनानै गोबां सुबुंफोरखौ जेंनाजों मोगा मोगि जानायखौ नुनो मोनगासिनो दङ। बेबायदि समावनो मेघालयानि बान्दोखौ हगारनो नायगिरनाय खौरांङा आसामनि गोहोम गोग्लैगोन जिल्लानि सुबुंफोरखौ जिंगायाव गोग्लैहोदों।

खुंथाइनिफ्राय मिथिनो मोन्नाय बायदिब्ला उमियाम दैमानि आफां ओनसोलाव आरो साखाथिनि ओनसोलफोराव बान्दोखौ हगारोब्ला दै बाना सोमजिनो हागौ। मखनो गोनांदि आसामनि Kamrup (M) and Kamrup (R) जिल्लायावबो दै बाना सोमजिनायनि इसाराखौ होदों खुंथाइआ। मेघालया खुंथाइया आसामनि मोन्नै जिल्लानि जिल्ला बेंगिरिनो सांग्रांथि मिथिसार बिलाइखौ दैथाइ हरनायाव बे बाथ्राया सोराङाव फैदों। बे फोसाव बिलाइनि बायदिब्ला उमियाम दैमानि आफां ओनसोल आरो बेनि खाथि खाला थानाय ओनसोलफोरावबो दै बाना सोमजिनो हागौ। सिलंनि Hydro Planning & Hydro Construction, Maintenance & Small Hydro, MePGCL नि इन्जिनियारा बान्दोनि दैखौ हगारनायनि बाथ्राखौ रायजो राजाफोरखौ सांग्रांथि खालामनो थाखाय मिथिहोदों।