गुवाहाटी, 19 जुन 2022: आसामनि सासे गोख्रों गेलेगिरि आरो थांनाय 2021 माइथायाव टकिय’ अलम्पिक बादायलायनायाव तामानि मेडेल मोन्नो हानानै रायजोनि आरो हादरनि गेजेराव गोग्गानाय लाबोनो हानाय लभलिना बरग’हाइआ गावनि फिसाइजों नागारलायनायनि आरज बिलाइखौ बिजिरसालिआव जमा होदों। बे खौरांखौ मिथिनो मोन्नानै खौरां बिजों आरो समाजारि खौरां बिजोंनि गेजेराव गोबां गोसारनायखौ नुनो मोन्दों। बिथाङा बेबायदि गोसारनायखौ नुनानै गावनि गोथौ दुखु मोन्नायजों फोरमायदोंदि आं मिथगौ आं गोरोन्थि खालामदोंमोन नाथाइ आं जेबो आयेन बेरेखा हाबा मावाखै होन्ना बुंदों। मिथिनो मोन्नाय बायदिब्ला, बक्सिं गेलेगिरि लभलिना बरग’हाइया गावनि फिसाइ नवजित गस्वामिजों नागारलायनायनि आरज बिलाइखौ Kamrup (M) नि मोनसे नखर बिजिरसालिआव आरज बिलाइखौ गथाइदों। 24 बोसोर बैसोनि बस्किं गेलेगिरि लभलिना बरग’हाइआ थांनाय 2018 इं माइथायावनो जरहात जिल्लानि थागिरि नवजित गस्वामिजों हाबा जादोंमोन आरो बेनि उनाव सोमोन्दोआव गोलाव सम थादोंमोन।
बेराफार्सेथिं, लभलिनाया गावनि पेसबुक पेजनि गेजेरजों मिथिहोदोंदि थांनाय 2018 माइथायाव हौवाजों मोजां मोनलायनि गेजेरजों सोमोन्दोआव थादोंमोन। सोमोन्दोआव थानानै बिसोर फनजों खोथा बाथ्राखौ रायज्लायबाय थादोंमोन। नाथाइ, हाबा जादोंब्लाबो बिसोर बिसि फिसाइबादि थायाखैमोन। आरो जेब्लासिम नख’रनिया समाजनि नेम बायदियै हाबाखौ खालामनानै होया अब्लासिम बिसि फिसाइबायदि थाया होन्नानै बुजिलाइनानै थादोंमोन। बिसोर मोनसे गोरोबथाबो खालामदोंमोन। नाथाइ, लासै लासैनो गावसोर सानैनि गेजेराव गोरोबलायै आरो दावराव दावसि सोमजिनायनि जाहोनाव सोमोन्दोआ बायदोंमोन। बे जाथाइनि सायाव कंग्रेस राजखान्थि दोलोनि दैदेनगिरि मिरा बरताकुरा लभलिना बरग’हाइनि जानानै गावनि गेलेनायाव गोसो होनो थुलुंगाखां होदों।
