उत्तराखन्ड, 6 जुन, 2022: मोनसे गिख्रंथाव जाथाय। उत्तराखन्डनि उत्तरकाछी जिल्लायाव चार धाम यात्रा दावबायारिफोर गाखोनाय गंसे बासआ हाख’राव गलांनानै सा 22 सुबुंआ जिउ खहा जादों। मिथिनो मोननाय बादिब्ला, बे बासआव गासै 32 दावबायारिफोर दंमोन। मध्य प्रदेशनि पान्ना जिल्लानिफ्राय जागायजेननानै हारिदुवारनिफ्राय रबिबारखालि फुंनि 10 रिंगायाव दावबायनायखौ जागायफिन्दोंमोन। थैनायनि अनजिमाखौ बांबावनो हागौ होनना देहा फाहामगिरिआ बुंथिना होदों। बे जाथाइया यामुनात्री राजालामायाव डामता आरो बारनीगाड ओनसोलनि गेजेराव जादों।
SDRF हानजाया जोखोम जानाय सुबुंफोरखौ थाबैनो रैखा खालामनायाव जाफुंसारनो हायो । जाथाइ जानायनि खौरां मोननाय लोगो लोगोनो डिस्ट्रिक्ट मेजिस्ट्रेट अभिषेक रुहेलाया देहा फाहामगिरि आरो एम्बुलेन्सखौ थाबैनो जाथाइथिलिसिम थांनो बिथोन होदों। जायनि उनाव समावनो जोखोम जानाय सुबुंफोरखौ थाबैनो रैखा खालामनायाव जाफुंसारो।
अदेबानि, गाहाइ मन्थ्रि नरेन्द्र मदिआ जाथाइयाव जिउ गोमानाय सुबुंफोरनि नख’रनो सासेयाव 2 लाख रां आरो जोखोम जानाय सुबुंफोरनो 50 रोजा रां होगोन होनना टुइटारनि गेजेरजों बुंथिदों।
