गोदान दिल्ली,3 जुन 2022: तुर्किया गावनि मावख’यारि मुंखौ सोलायनो थांखि लाबाय। केम्ब्रिज इंग्लिस डिक्सनारिआव तुर्किनि ओंथिया जादों गाज्रि रोखोमै फेलें जानाय आरो जाम्बा एबा आदुवा सुबुं। अकारानि मावख’यारि महरै खावलाइनायखौ गनायथिनायनि उनाव आथिखालाव बे हादतनि मुंखौ ‘तुर्किये’ मुङै मोनथिनो मोननाय जागोन। थांनाय सप्ताहआव तुर्किनि गेजेरजों खावलाइनायनि उनाव इउ एनआ बुंदों जेसेबां हागौ एसेबां थाबैनो हादतनि मुंखौ सोलाय।
थांनाय बोसोरनि जोबथा समाव तुर्किनि हादतगिरिनि गेजेरजों जागाय जेननाय रिब्रान्डिं अभियाननि बाहागोनि महराव माखासे माहारियारि आफादफोरखौ मुं सोलायनो बाथ्रा बुंनाय जादों।थांनाय डिसेम्बर दानयाव हादतगिरि रेसेप तइप एर्दगनआ बुंदोंमोन ‘तुर्किये’ सोदोबआ तुर्कि सुबुंफोरनि हारिमु,सुबुं सोदोमस्रि , बेसेननि गुन आरो सुबुंथिखौ फोरमायो।
तुर्किनि बांसिन सुबुंफोरानो गिबिनिफ्रायनो गावसोरनि हादतनि मुंखौ ‘तुर्किये’ होननानै मोनथि खायो। नाथाय तुर्कि सोदोबखौ हादतनि सिङाव बांसिन बाहायनाय जायो। गोदान रि-ब्रान्डिंयाव गुबुन हादतयाव दैथाय हरनाय गासिबो मुवा बेसातयाव ‘तुर्किये’ नि लग थागोन।जाय hello turkey दावबायारि बिथांखिनि समान जागोन। जायखौ बे बोसोरनि जागायजेननायाव लन्स खालामनाय जादोंमोन।
हादतनि मुङा सोलायनायनि उनाव तुर्किनि सुबुंफोरनि एके रोखोमनि फिनजाथाय होनायखौ नुनो मोनदों।जेराव सरकारि बिबानगिरिफोरा बेबायदि थांखि लानायखौ गानायथि होदों ।गुबुन फार्सेथिंजाय माखासे सुबुंफोरा बेखौ गोहोम गोयै होननानै फोरमायदों।मानोना बे मुं सोलायनाया फैगौ बोसोराव जानो गोनां हादतगिरि बिसायखथिनि सिगां सोलिबाय थानाय रां खान्थि खैफोतनि गेजेराव जादों।
तुर्किआ मुं सोलायनायखौ लानानै माखासे हादतफोरखौ उनसंदों।।2020 माइथायाव निदारलेन्डआ मोनसे रिब्रान्डिंआव हलेन्डनि मुंखौ सोलायनो थांखि लादोंमोन।बेनि सिगां ग्रिसजों लोगोसे राजखान्थियारि दावराव दावसि जानायनि उनाव मेसेडनियाआ गावनि मुंखौ सोलायनानै सा मेसेडनिया खालामनानै लादोंमोन।2018 माइथायाव आफ्रिका हादतनि मुङा सोलायनानै स्वाजिलेन्ड इस्वातिनी जादोंमोन।बेबायदिनो फारस हादतनि मुङा सोलायनानै इरान,सियाम हुआनि मुङा सोलायनानै थाइलेन्ड आरो रडेशियानि मुङा सोलायनानै जिम्बाब्वे जादोंमोन।
