बिब’नि गोथै सावनाय अरआव बारसोमनानै सासे लाइमोनआ जिउ फोजोबनानै लानो नाजादों ।

0
98

मध्य प्रदेश, 14 जुन, 2022: मध्य प्रदेशनि सागर जिल्लायाव मोनसे सोमोनांथाव जाथाय । 18 बोसोर बैसोनि सासे लाइमोनआ गावनि बिमाइनि फिसाजोनि गोथै सह’खौ सावनाय अरआव बारसोमनानै गावनि जिउखौ फोजोबनानै लानो नाजादोंमोन । पुलिसआ बुंथिना होनाय बादिब्ला, बे जाथाइया बाहेरिया पुलिस थानानि बेन्दोंआव थानाय माझगुवा गामियाव जादोंमोन । बे लाइमोनआ मानि थाखाय बेबायदि सोमोनांथाव हाबाखौ मावदों दासिमबो मिथिनो मोननाय जायाखै ।

थांनाय बृहस्पतीबारनिफ्रायनो 21 बोसोर बैसोनि आइजोआ न’निफ्राय गोमानानै दंमोन । मिथिनाय बादिब्ला, बे आइजोआव न’निफ्राय फार्मआव मैगं लाइनो होननानै ओंखारबोदोंमोन । नाथाय बे समनिफ्रायनो आइजोआ न’आव गिदिंनानै फैफिनाखै । आइजोआ न’सिम फैफिनैलाय बिखौ न’नि सुबुंफोरा नागिरबाय थादोंमोन । आइजोनि नख’रनि सुबुंफोरा बिखौ गामिनि पामुआव गंसे दैखर सिङाव गलांदों होनना सन्देह’ खालामदोंमोन । बेनि उनाव बिखौ संदाननायनि गेजेरजों सन्देह’ खालामनाय बादिनो दैखरनि सिङाव मोननो हादोंमोन ।

बिब’नि जिउ गोमानाय खौरांखौ मोननाय लोगो लोगोनो 430 किलमिटार गोजान धार ओनसोलाव थाग्रा बिनि बिमाइनि फिसाज्ला करनआ मटर साइकेल सालायनानै सागरसिम फैदों । जायगासिम फैनानै बिब’खौ सावनाय अरआव बारसोमनानै फंबाइया गावनि जिउखौ फोजोबनानै लानो नाजायो । नाथाय गामिनि माखासे सुबुंफोरा बिखौ रैखा खालामो आरो देहा फाहामसालियाव लानानै थाङो । जाथाइ जाखांनायनि उनाव पुलिसआ केस थिसनबाय आरो दा नायबिजिरनाय हाबाफारिया सोलिगासिनो दं ।

LEAVE A REPLY

Please enter your comment!
Please enter your name here