गोदान दिल्ली,1 जुलाइ 2022: मुलुगनाङैनि गिदिर गिदिर सहफोराव गोजौ गोजौ न’ बिल्डींफोरखौ नुनो मोननाय जायो। नाथाय मुलुगाव दरसे सहर दं, जायखौ हा सिङाव बानायनाय जादों।बे हा सिंनि सहराव हटेल,बार आरो पबजों लोगोसे गासिबो रोखोमनि सुबिदाफोरखौ मोननाय जायो। बे हा सिंनि सहराव बिदुङा गुदुं जाब्लाबो एसि-कुलारनि गोनांथि गैआ। बे सहरा अष्ट्रलियाआव दं आरो बेनि मुङा Coober Pedy । बे जायगाआव Opal Gemstone खौबो मोननाय जायो। बे सहरा बालाबारिनि गेजेराव दं। बे जायगानि समायनाखौ नुनानै बयबो सुबुंफोरा गोमो।
![](https://bodolandradab.in/wp-content/uploads/2022/08/Coober-Pedy-Underground-city-3.jpeg)
मख’नो गोनांदि Coober Pedy सहरनि सुबुंफोरा हा सिङावनो थानो मोजां मोनयो। माखासे सुबुंफोरा बे सहरा हा सिङाव थानायनि थाखाय बेखौ मडार्न पातालपुरिबो बुङो।बे जायागाआव बेसेन गोसा Opal Gemstone खौ नागिरनो थाखाय थांनाय 10 बोसोरनिफ्रायनो हाफोरखौ गोथौ गोथौ जावख’दोंमोन।जायनि जाहोनाव बे जायगाआव गिदिर गिदिर हाखर जादों आरो सुबुंफोरा गोथौ गोथौ हाखरावनो न’फोरखौ बानायनानै लादों।मोनसे हमदांना लानाय बायदिब्ला Coober Pedy आव गं 1,500 नखर दं आरो बे न’फोरा सुख-सुबिदाजों बुंफबनाय।
मुलुग नाङैनि सुबुंफोरा Coober Pedy खौ अपाल केपिटेलबो बुङो।मानोना बे जायगानि बांसिन सुबुंफोरा हा सिङाव बानायनाय न’आव थायो। Coober Pedy सहर बानायनायनि सलआ गोबां मख’जाथाव। 100 बोसोर सिगां बे जायगाआव Opal Gemstone खौ नागिरनाय जादोंमोन।जायनि उनावबो बे जायगाआव Opal Gemstone खौ नागिरनो गोथौ गोथौ हाखर जावखांनाया सोलिबाय थादों। मुलुगनाङैनि 70 जौखोनदो Opal Gemstone खौ Coober Pedy आवनो मोननाय जायो।
![](https://bodolandradab.in/wp-content/uploads/2022/08/Coober-Pedy-Underground-city-1.jpeg)
अष्ट्रलियानि Coober Pedy आव बिदुङा थाबैनो सोलायो।बे जायगाआ बालाबारि आरो गिदिर गिदिर अन्थाय थापाजों बुंफबनाय।बे जायगानि हा सा बाहागोआव थानाया जेंना गोनां।मानोना Coober Pedy आव बिदुङा सम सम 100 फारेनहाइट जायो।अष्ट्रलियानि बोथोर हिसाबै बे बिदुङा गोबां गरम।बेबायदि बिदुं दुंखावनायाव सुबुंफोरा हा सिंनि सहराव थाब्ला रेहाय मोनयो।बेनिखायनो सुबुंफोरा हा सिङाव थानो मोजां मोनयो।
Coober Pedy सहराव गोबां बिदुं दुंखावब्लाबो बांद्राय गरम मोनया। Cave Walls थानायनि जाहोनाव बे जायगाआव हा सा बाहागोनि बिदुं दुंखावनाया जेबो गोहोम गोग्लैआ। Coober Pedy आव गुसु बोथोराव हीटारनि आरो गोलोम बोथोराव एसिनि गोनांथि गैया।हा सिङाव बानायनाय Coober Pedy सहरखौ नायनो मुलुगनाङैनि दावबायारिफोरा दावबाय फैयो।
अष्ट्रलियानि Coober Pedi सहरा एलिस स्प्रिंग्स आरो एडिलेडनि गेजेराव दं। बे जायागाआव अखाआ खम हायो। नाथाय थेवब्लाबो हा सिङाव थानाय Coober Pedi सहरनि सुबुंफोरनाव बोथोरनि गोहोमा गोग्लैआ। Coober Pedi आव मिउजियामबो दं,जायखौ नायनो गोजान गोजान जायगानिफ्राय सुबुंफोरा दावबाय फैयो। Coober Pedi सहरनि आगोमा जिउ खुंनाया बायजोनि सुबुंफोरनि गोसोखौ गोबां बोनो हादों।
![](https://bodolandradab.in/wp-content/uploads/2022/08/Coober-Pedy-Underground-city-2.jpeg)