बलिउडनि फावखुंगुर सलमान खानआ GUN LICENSE खौ मोननो हाबाय।

0
158
Salman Khan Gun License

मुम्बाइ, 1 आगष्ट, 2022: बलिउडनि मुंदांखा फावखुंगुर सलमान खानआ हाथियार लानो मोननायनि LICENSE खौ मोननो हाबाय । थांनाय माखासे सान सिगां फावखुंगुरनि बिफा सलीम खाननिसिम सोरबा सुथुरआ हुमखि होनाय गांसे लाइजाम दैथायहरदोंमोन । बेनि थाखायनो सलमान खानआ गावनि रैखाथिनि थाखाय GUN LICENSE नि आरजलाइ गथायदोंमोन । फावखुंगुर सलमान खानआ LICENSE नि थाखाय 22 जुलाइ भेरिपिकेसन खालामनो पुलिस कमिसनारनिसिम थांदोंमोन । बेजों लोगोसेनो खौरां मोननाय जादोंदि, बेबादि हुमखि मोननायनि उनाव सलमान खानआ बुलेटफ्रुफ ग्लास आरो आर्मार गोनां कारबो बायदों । बे कारखौ सलमान खाननि न’नि लांगोनायाव नुनो मोननायबो जादों । थारैनो दायो सलमान खानआ GUN LICENSE खौ मोननो हाबाय । फावखुंगुरनि बिफानो हरनाय लाइजामआव सलमान खानखौ सिध्दु मुसेवालाखौ बुथारनाय बादिनो बुथारगोन होनना हुमखि होदों । बे जाथायनि सायाव दिल्लीनि तिहाड़ जोबथेसालिआव जोबनानै दोनजानाय गेंगस्टार लरेन्स विस्रयनि मुंखौ सन्देह’ खालामदों । जायनि थाखाय बिनि खाथियाव थांनानै सोंथिबो खालामहैदों । बेबादि हुमखि मोननायनि उनाव सलमान खाननि रैखाथिखौबो गोख्रोंसिन खालामनानै होदों मुम्बाइ पुलिसआ ।

LEAVE A REPLY

Please enter your comment!
Please enter your name here