Home BTR सुबुं सम्फद सोरजिनाय थांखिजों मुसलपुर जिल्ला UPPL दोलोनि माइ हानाय हाबाफारि ।

सुबुं सम्फद सोरजिनाय थांखिजों मुसलपुर जिल्ला UPPL दोलोनि माइ हानाय हाबाफारि ।

0
सुबुं सम्फद सोरजिनाय थांखिजों मुसलपुर जिल्ला UPPL दोलोनि माइ हानाय हाबाफारि ।

BTR ओनसोलनि रायजोफोरजों खौसेथियै खामानि मावलांनाय आरो सुबुं सम्फद सोरजिनाय थांखिजों मुसलपुर जिल्ला UPPL दोलोआ माइ हानाय हाबाफारि लादों । BTR नि मावफुं सोद्रोमा राकेश ब्रह्म आरो जिल्ला UPPL दोलोनि बिबानगिरिफोरा आखायाव खासि लानानै आबादनि फोथाराव जथाइयै माइ हादों । ओनसोलनि रायजो-राजा आरो दोलोनि मावथिफोरजों जथाइयै माइ हानानै EM राकेश ब्रह्मआ बुंथियोदि सुबुं सम्फद सोरजिनाय बिथांखिनि गेजेरजों रायजो-राजाफोरनि गेजेराव अनलायनाय लाबोनाय आरो गोजोन-खौसेथियै खामानि मावलांनाय, रायजो-राजाफोरनि दुखुनि समाव मदद होलांनाय बायदि खामानिफोरखौ फारियै मावलांनो थाखाय प्रमद बर’ दैदेननाय BTR सरकारा खामानि मावलांनो गोख्रों थांखि लादों आरो मावलांगासिनोबो दं होन्नानै फोरमायथियो। आबादारिफोरखौ मदद खालामनानै UPPL दोलोनि मावथि, बिफानगिरिफोराबो माइ हानायाबो बिनिनो मोनसे बाहागो आरो BTR नि मोनफ्रोमबो जिल्ला ब्लक कमिटि UPPL दोलोआ बेफोरबादि हाबाफारिखौ लांबाय थागोन होन्नानै फोरमायथियो। बेजों लोगोसेनो मुसलपुर जिल्ला कमिटि UPPL दोलोनि आफादगिरि निप्रेन बर’आबो फोथाराव माइ हानाय हाबाफारियाव बाहागो लायो होन्नानै जोंनि BODOLAND रादाबनि खौरांगिरिनि सिगाङाव हाबाफारिनि बागै फोरमायथियो।

Rice cutting 2
Rice cutting 3

LEAVE A REPLY

Please enter your comment!
Please enter your name here