दिसेम्बर दानाव 500 निबो बांसिन सुबुंफोरा बोरमा फिसिनाय बिथांखिखौ मोननो हागोन: राकेश ब्रह्म ।

फैगौ दिसेम्बर दानाव बिटिआराव बेखेवगोन बोरमा फिसिनाय बिथांखि । सा 500 निबो बांसिन सुबुंफोरा बोरमा फिसिनाय बिथांखिनि गेजेरजों मदद मोननो हागोन । बे बोरमा फिसिनाय बिथांखिखौ मावफुंनो थाखाय प्रमद बर’नि सोरखारा थियारि जाबाय आरो बेनि थाखाय सायख’नाय जाखाबाय होनना बिटिआरनि मावफुं सोद्रोमा राकेश ब्रह्मया तामुलपुर जिल्लाआव सा 100 सुबुंफोरनो बोरमानि जोलै राननानै होना फोरमायथियो । बेजों लोगोसेनो अमा फिसिनाय बिथांखिखौ सिगांआवनो मावफुंनाय जागौमोन नाथाय गेजेर समाव अमानि बेरामा सन्देरनायनि थाखाय थाथ’नो गोनां जादों जायनि थाखाय आरो अमा मिसनखौबो थाबैनो मावफुंनाय जासिगोन होनना फोरमायथियो । बेजों लोगोसेनो मोसौ आरो मैसोफोरखौ फैगौ दिसेम्बर दानावनो तामुलपुर आरो उदालगुरि जिल्लानि मोननो गोनां सुबुंफोरनो राननानै होनाय जागोन होनना मावफुं सोद्रोमा राकेश ब्रह्मया फोरमायथियो ।