जम्मु आरो काशमिर, 15 जुन, 2022: जम्मु आरो काशमिराव उथखारिफोरनि उथखारि हाबा मावनाया गोदान बाथ्रा नङा। खाबु लानानै ओनसोलाव गोबां हिंसायारि जाथाइखौ सोमजि होबाय थायो। दिनै सा 2 उदखारिफोरा हादरनि रैखाथि हान्जाजों गावथारजादों। भारतनि रैखाथि हान्जानि मोनसे गिदिर जाफुंसारनाय। मिथिनो मोननाय बायदिब्ला सपियान जिल्लानि सिङाव थानाय कान्जिउलार होन्नाय थावनियाव गावथारनो हादों। आर्मिफोरा बे सानै उग्रुपन्तिखौ सं दाननानै नायगिरनानै गावथारनो हायो।

गावथार जानाय उग्रुपन्तिया Lashkar-e-Taiba नि सोद्रोमामोन होन्ना मिथिनो मोन्दों। गावथार जानाय सुथुर सासेनि मुंखौ Jan Mohammad Lone होन्नानै मिथिनो मोनो। मख’नो गोनांदि सुथुरा थांनाय 2 जुनआव बेंक मेनाजारखौ बुथारनायाव लोब्बा दंमोन। बेनि अनगायैबो ओनसोलाव हिंसायारि जाथाइ सोमजिहोनानै गोजोन गैयै खालामनाय गोबां हाबाफोरावबो लोब्बा दंमोन।