गुवाहाटी, 31 जुलाइ, 2022: गुवाहाटीसिम खारग्रा गंसे मोनानि बास आरो गंसे डाम्पार गारिजों हरखाव सौग्रावलायनायनि जाथाइ सोमजिदों। बे गिथावना जाथाइया गलाघात जिल्लानि देरगावआव सोमजिदों। जाहोनाव सा 8 सुबुङा जखम जादों होन्नानै मिथिनो मोन्नाय जादों। जखम जानाय सुबुंफोरखौ मोजां एबा गोजौ फाहामथाइ होनो थाखाय Dergaon PHC फाहामथाइ मिरुआव थिसन्थाइ होनाय जादों। बे गिथावना जाब्रबथाइया दिनै रबिबारखालि सोमजिदों। सौग्रावनाय सुपार बासनि नाम्बारा AS-01-GC-4755 आरो डाम्पार ट्राक गारिनि नाम्बारखौ AS-23-BC-1976 होन्नानै मिथिनो मोन्नाय जादों।

मिथिनो मोन्नाय बायदिब्ला तिनिसुकियानिफ्राय गुवाहाटीसिम थांनाय मोनानि सुपार बासआ 37 नाम्बार राजालामानि साखाथिआव लाखिनानै दोन्नाय गंसे डाम्पार गारियाव सोवग्राव फैयो आरो बे गिख्रंथाव जाथाइया सोमजियो। सौग्रावनायनि उनाव बासआ आबाद फोथार एबा माइ दुब्लियाव गोग्लैलाङो। बे जाथाइखौ मिथिनो मोन्नानै ओनसोलनि सुबुंफोरा जाथाइ जानाय जायगासिम थांनानै हेफाजाब खालाम हैयो।