गोदान दिल्ली,12 आगस्ट 2022: निखावरि आरो मिडील क्लास सुबुंफोरा दोहोनि जानो सिमां नुयो।नाथाय खम सुबुंफोराल’ बेबायदि सिमां नुनायखौ फुरा खालामनो हायो।सानथौगिरिफोरनि बायदिब्ला सम थानायावनो एबा थि समावनो थांखि लानानै रां-खान्थिखौ दोनथुमब्ला आरो इन्बेस्टमेन्ट खालामोब्ला दोहोनि जानो सिमां नुनाया फुरा जागोन।
इनबेस्टमेन्टखौ गावनि जिउ खुंनायनि बाहागो खालामनायजों लोगोसे गिबि सेलारि मोननायखौ पार्टी जानानै ओरैनो उराय होनायनि अनगायै बे फैसाखौ थि जायगाआव इनबेस्टमेन्ट खालामनांगौ।गिबि सेलारि मोननायनिफ्रायनो रां खान्थिनि एसे बाहागोखौ दोनथुमनांगौ।खरसा खालामनाय समाव सांग्रांथियै खालामनांगौ। गोनांथार जाब्लाल’ गोबां रां खान्थिखौ बाहाय नांगौ।
एस.आइ.पी.आव मोजां रिटार्ननि थाखाय मोजां दोनथुमग्रा पान्डखौ सायख’नांगौ।बेनि थाखाय Mutual Fund एबा गुबुनआव इनबेस्टमेन्ट खालामनो हागोन।दोहोनि जानायनि मोननै सरासनस्रा बाथ्राआ जादों थाबैनो इनबेस्टमेन्ट खालामनायखौ जागायजेननाय आरो नेम खान्थि बायदियै इनबेस्टमेन्ट खालामनाय।
बे मोननै बाथ्राखौ बयबो मोनथिगौ।नाथाय गोबां खम सुबुंफोराल’ बे मोननै बाथ्राखौ नोजोर होयो।
दान मोनफ्रामबो 40 निफ्राय 50 हाजार रांखौ इनबेस्टमेन्ट खालामब्ला 10 बोसोराव गासै इनबेस्टमेन्ट खालामनाया 50 लाख रां जागोन।जुदि बेनि सायाव मोनफिननो हानाय रिटार्नआ 11 जौखोन्दोब्ला 10 बोसोराव इनबेस्टमेन्ट खालामनाया बांनानै 1 कौटि रांनि खाथिआव थाहैगोन।गोबां रां दोनथुमनो थाखाय मोजाङै इनबेस्टमेन्ट खालामनांगौ।जायजों दोहोनि जानो हागोन।
