क’क्राझार जिल्लानि सिङाव थानाय सुखानझरा गामिनि सासे गोख्रों समाज सिबियारि, आगुनि रेडिअ आर्टिस्ट, मागुरमारि गेजेर फरायसालिनि बारग’ फोरोंगिरि बुध्देस्वर दैमारीआ थांनाय हराव अरायनि थाखाय बे बुहुमखौ नागारलांबाय।
बिथाङा सासे ओनसोलनि गोख्रों समाज सिबियारि आरो बयजोंबो मान होजाग्रा सुबुंमोन। बिथाङा थांनानै थानाय समाव बर’नि बायदि आफादफोरजों खामानि मावनायजों लोगोसे आलादा बड’लेण्ड सोमावसारनायावबो मैखोमै बाहागो लाबोदोंमोन।
बिथांनि हरखाबै रुंसारि जानाय खौरांखौ खोनानानै 30 नं सान्जा क’क्राझार बिधान सभा बियाबनि एम एल ए मुस्रि लरेन्स इस्लारीआ दुखुथिया न’खराव खौरां लाहैयो आरो गोथौ दुखु मोन्नाय फोरमायो लोगोसे बिथांनि जिउआ सोर्गोआव आलो-गोजोन जायगा मोनहैनो हाथों बेनि थाखाय इसोरनाव आर’ज गाबो।
बेनि अनगायैबो बनरगाव द’खरा दुलाराय बर’ फरायसा आफादनि गाहाइ नेहाथारि बिकास बसुमतारीजों लोगोसे गामिनि, न’खरनि आरो ओनसोलनि सुबुंफोरा बिथांनि न’खराव दुखुनि समाव बाहागो लाहैफायो।