गुवाहाटी, 8 जुलाइ, 2022: गोबां सुबुङानो आसामनि गोख्रों Athletic गेलेगिरि Hima Das खौ Commonwealth Games 2022 नि खारनाय बादायलायनायाव मेडेल देरहानो हागोन होन्नानै मिजिं थिदोंमोन। नाथाइ जोबथायाव Hima Das आ मेडेलखौ मोन्नो हायाखिसै। भारतनि हिन्जावफोरनि गेलेगिरि हान्जाया 4×400 मिटार खारनाय बादायलायनायखौ 43.81 सेकेण्ड आव फोजोबनो हादोंमोन नाथाइ मेडेलखौ मोन्नो हायाखिसै। बेराफार्सेथिङै, बादाइलायनायाव Nigeria नि गेलेगिरिया सनानि मेडेलखौ मोन्नो हायो, England नि गेलेगिरिआ रुपानि मेडेलखौ मोन्नो हायो आरो Jamaica नि गेलेगिरिफोया तामानि मेडेलखौ मोन्नो हायो। बे बादायलायनायाव Nigeria नि गलेगिरिया 42.10 सेकेण्डआव खारनो हायो आरो England आरो Jamaica नि गेलेगिरिफोरा 42.10 आरो 42.41 सेकेण्डनि गेजेराव खारखांनो हानानै मेडेलखौ आवग्रिनो हायो। आरो बेबायदिनो Hima Das आरो Dutee Chand आ मेडेलखौ मोन्नायाव फेलें जानो गोनां जायो।
गाहाइनि गेलेगिरि बिथांमोनहा भारतनि जानानै Commonwealth Games 2022 आव मेडेलखौ मोन्नो हायो। फारियै Mirabai Chanu, Jeremy Lalrinnunga, Anchita Sheuly, Women’s Lawn Ball Team, Table Tennis Men’s Team, Sudhir (Power Lifting), Bajrang Punia, Sakshi Malik, Deepak Poonia, Ravi Dahiya, Vinesh Phogat, Naveen, Bhavina (Para Table Tennis) ), Neetu Ghanghas, Amit Panghal, Aldhaus Paul गेलेगिरिफोरा गासै मोन 18 सनानि मेडेलखौ मोन्नो हायो।
फारियै Sanket Sargar, Bindiyarani Devi, Sushila Devi, Vikas Thakur, Indian Badminton Team, Tulika Mann, Murali Sreeshankar, Anshu Malik, Priyanka, Avinash Sable, Men’s Lawn Ball Team, Abdullah Abobacker गेलेगिरिफोरा गासै मोन 12 रुपानि मेडेलखौ मोन्नो हायो।
बेनि अनगायैबो Gururaja Pujari, Vijay Kumar Yadav, Harjinder Kaur, Lovepreet Singh, Saurav Ghoshal, Gurdeep Singh, Tejaswin Shankar, Divya Kakran, Mohit Grewal, Jasmine, Pooja Gehlot, Pooja Sihag, Mohammad Husamuddin, Deepak Nehra, Rohit Tokas, Women’s Hockey Team, Sandeep Kumar, Annu Rani गेलेगिरिफोरा मोन 19 तामानि मेडेलखौ देरहानो हानानै हादरनि थाखाय गोग्गानाय लाबोनो हादों।
