गुवाहाटी, 1 आगष्ट, 2022: आसामनि गिबि मन्त्रि ड. हिमन्त बिस्व शर्माआ Mission Bhumiputra Portal खौ बेखेवनानै होबाय। बे बिथांखिनि गेजेरजों फरायसालिनि फरायसाफोरनो Caste Certificate खौ 1 दाननि उनावनो होनाय जागोन। अदेबानि दान मोनसेनि गेजेरावनो Digital बिथिंजों फरायसाफोरा फोरमान बिलाइखौ मोन्नो हासिगोन। रायजोनि गिबि मन्त्रि बिथाङा दिनै गुवाहाटीनि श्रिमन्त शंकरदेव कलाक्षेत्रआव बे बिथांखिखौ बेखेवनानै होयो। फोरमान बिलाइनि गनायथि बिलाइआव थागिबि हारिनि सुबुंफोरनि Nationality खौ सोंथि दिखांनो नाङा होन्नानैबो खावलायदों।
नाथाइ, Scheduled Caste Student Union फरायसा आफादा नंखाय फोरमान बिलाइखौ फोसावगोन होन्नानै गिखांदों होन्ना फोरमायदों। बे बिथांखिनि गेजेरजों फोरमान बिलाइखौ मोन्नायाव रां जाख्ल’नाय आयेन बेरेखा खामानिखौबो होबथानो हागोन होन्ना आसा खालामदों। फैगौ बोसोरनिफ्राय थाखो 8 निफ्राय गोजौआव फरायनाय फरायसाफोरा गावबा गावनि फरायसालिआवनो फोरमान बिलाइखौ मोन्नो पर्मखौ जमा होनो हासिगोन। रायजोनि सिङाव थानाय जिल्लाफोरनि जिल्ला बेंगिरिआ पर्मफोरखौ फरायसालिआव रान्नानै हरगोन होन्नानै मिथिनो मोन्नाय जादों।
