Home Blog Page 94

गाजियाबादयाव पुलिसया सानै दुथांफोरखौ गावथारदों।

By
BODOLAND रादाब
-
0
Ghaziabad Police Encounter

गोदान दिल्ली, 28 मे 2022: माहारियारि राजथावनि दिल्लीजों नांजाबनाय उत्तर प्रदेसनि गाजियाबादयाव पुलिसया थांनाय हराव मोननै आलादा आलादा जाथायाव सानै बान्था गोनां दुथांफोरखौ गावथारनो हादों। गावथार जानाय सानै दुथांफोरनि मुंखौ राकेश आरो बिल्लु एबा अबिनास होननानै फोरमायदों। सानैबो दुथांफोरा गौतमबुद्ध नगर जिल्लानि बादलपुर थाना ओनसोलनि सिङाव थानाय दुजाना गामिनि थागिबि।

सुलुंनि बायदिब्ला, गावलायनायनि गिबि जाथाया गाजियाबादनि मधुबन बापूधाम आरो नैथि जाथाया इन्दिरापुरम थाना ओनसोलाव जादों।मख’नो गोनांदि पुलिसआ सुलुंनिफ्राय स्रोद खौरां मोननायखौ बिथा खालामनानै मधुबन बापूधामयाव खैसार सानानै दुथां राकेसखौ बेंदिङो।
पुलिसया राकेसखौ सारेन्डार खालामनो थिनब्ला बियो पुलिसनि सायाव फायारिं खालामो।पुलिसयाबो फिनजाथाय होनानै फायारिं खालामफिनायाव राकेसया थैनो गानां जायो।दुथां राकेसनि सायाव 50 हाजार रां बान्था फोसावनाय दंमोन।राकेसखौ माखासे जेंना गोनां हाबा फारि मावनायावबो लोब्बा दं होननानैबो मोनथिनो मोननाय जादों।

गुबुन फारसेथिंजाय गाजियाबादनि इन्दिरापुरम थाना ओनसोलनि सिङाव थानाय गावलायनाय जाथायाव पुलिसया बिल्लु एबा अबिनासखौ गावथारनो हायो।बिल्लुनि सायाव 1 लाख रांनि बान्था फोसावनाय दंमोन।

सुबुंफोरनि आंगोयै बाहायजाग्रा एल पि जि सिलेन्डार गेसनि बेसेनआ 50 रां बारायबावदों

By
BODOLAND रादाब
-
0

गुवाहाटी, 7 मे 2022: सरकारआ थांदों-फैदों नाथाय राइजो-राजा सुबुंफोरा मुवा-बेसादनि बेसेन बांनायनिफ्राय इसेबो रेहाइ मोनाखै। मानोना बे खेबावबो बारायबावदों सुबुंफोरनि आंगोयै बाहायजाग्रा ड’मिस्टिक एल पि जि सिलेन्डार गेसनि बेसेनआ। मिथिनो मोन्नाय बादिब्ला, नखराव बाहायजाग्रा(ड’मिस्टिक) सिलेन्डार गेसनि बेसेनआ खेबसेयैनो 50 रां बारायबावदों। जाहोनाव, हादरनि गुबुन-गुबुन राज्योफोराव गेसनि बेसेनआ बारायबावनायजों आलादा-आलादा जाहैनायाव राजथावनि दिल्लीयाव 999.50 रां बेसेन जादों। बेनि अनगायैबो थांनाय 1 मे अक्ट’आव फालांगियाव बाहायजाग्रा 19 के.जि. एल पि जि सिलेन्डारनि बेसेनखौ खेबसेयैनो 102.50 रां बारायना होनानै 2355.50 रांसिम जाहैदों। बेजों लोगोसेनो 5 के.जि. सिलेन्डारनि बेसेनआबो 655 रांसिम जाहैबाय। मखनो गोनांदि, रासिया आरो युक्रेननि गेजेराव जानाय दावहानि जाहोनाव मुलुगनां बाजाराव गोथां थावनि बेसेनआ मोनफ्रोम बेरेलायाव बारायनायनि थाखायनो पेट्रल आरो डिजेलनि बेसेनजों लोगोसे एल पि जि गेसनि बेसेनखौबो बारायनो गोनां जादों होन्नानै भारत सरकारनि बिफानआ सुलुङाव फोरमायदों।

श्रीलंकायाव इमार्जेनसिखौ गनायथि होनो बाथ्रा फोसावदों

By
BODOLAND रादाब
-
0

गोदान दिल्ली, 7 मे 2022: थांनाय माखासे साननिफ्रायनो रां-खान्थिनि जेंनाजों बुगिनांनाय श्रीलंकायाव थासारिया फिन गाज्रिसिन जाबावदों।सुबुंफोरनि सोमावसारनायखौ नोजोर होनानै हादतगिरि गटाबाया राजपक्षेया हादताव इमार्जेनसिखौ गनायथि होनो बाथ्रा फोसावदों।बेजों लोगोसेनो सरकारा गनायथि गैयालासे लामायाव ओंखारबोनानै हेंथा धर्ना होनायखौबो होबथादों। मखनो गोनांदि श्रीलंकाया 1948 माइथायाव इंराजनिफ्राय उदां जादोंमोन।बेनि उननिफ्रायसो दासो गिबि खेब बेबायदि जेंनाजों मोगा मोगि जानांदों।दावबायनाय बिफाननि सायाव सोनारनानै थाग्रा श्रीलंकाया थांनाय नै बोसोरनिफ्रायनो करना भाइरासनि जेंनानि जाहोनाव रां खान्थिनि जेंनायाव गोग्लैनांदों।थांनाय से दाननिफ्रायनो श्रीलंकायाव जाग्रा लोंग्रा आदार आरो मुलिनि खमी जानायनि आंखालया नुजाथिदों। पेट्रल पाम्पयाबो खालि जादों।सुबुंफोरा बेवहाय थाव बायनो गसंनानै थादों।नाथाय सरकारनाव थाव बायनो रांखान्थियानो गैया।हादतयाव बेबायदि गिदिर रां-खान्थिनि खैफोत नुजाथिनाया श्रीलंकानि 22 कौटि सुबुंफोरनि जिउखौ नरक बानायदों।सरकारखौ रागा जोंनाय सुबुंफोरा थांनाय 1 दाननिफ्रायनो लामायाव ओंखार बोनानै धर्ना होदों।थांनाय सुक्रबाराव फरायसाफोरनि मोनसे हानजाया कलम्बयाव बानायनाय श्रीलंकानि संसदयाव हाबनो नाजायो।जेराव पुलिसफोरा फरायसाफोरनि हानजाखौ होबथानो थाखाय दै सारो आरो टियार गेसखौ गावयो।नाथाय फरायसाफोरा फासयनानै थायाखै,जायनि जाहोनाव पुलिसफोरा फासयनानै थानांदों।

कार्तिक आर्याननि गोदान सावथुन भुल भुलैया2 आ रिलिज जासिगोन

By
BODOLAND रादाब
-
0

7 मे 2022: बलिउडनि जाखांफुनाय फावखुंगुर कार्तिक आर्यानखौ बयबो सुबुंफोरानो मिथियो। बिनि गोदान सावथुन भुल भुलैया 2 आ बे दानावनो रिलिज जानो थियारि जाबाय। बे सावथुनाव बिखौ रुह बाबानि आखुआव फाव खालामनाय नुनो मोनगोन जाय खोमसि फोथायनाय आरो मोदाइनि बाथ्रा रायज्लायो। सावथुननि प्रमसन खालामनो कार्तिक आर्यानआ जोबोर हांखुर जानानै दं। कार्तिकआ गावनि सावथुनजों सोमोन्दो थानाय गोबां सलफोर शेयार खालामो आरो लोगोसेनो अक्षय कुमारजों लोगोसे सावरायनानै गावनि सुबुरुनखौबो लाखियो। कार्तिकआ बेबादि हरर कमेडि जनारआव गिबि खेब खामानि मावदों होनना बुंथियो। बे सावथुननि डायरेक्टर अनिस बज्मीआ जेब्ला बे सावथुनखौ बिनिसिम लानानै थांदोंमोन अब्ला गिबियाव काहानिखौ खिन्थाग्रोनाय जादोंमोन बेनि उनावसो सावथुननि मुंखौ फोरमायना होयो। मोनसे गोदान काहानिखौ लानानै सावथुनि सिकुवेल खालामनाय जादों होनना खौरांनि गेजेरजों मिथिहोदों।

IAS पुजा सिंघलनि न’आव ED आ संदान्नानै 25 कौटि रां बोखांदों

By
BODOLAND रादाब
-
0
IAS Pooja Singhal

झारखान्ड, 6 मे 2022: झारखान्ड राज्योनि IAS पुजा सिंघलनि नखराव दिनै ED आ संदान्नायनि गेजेरजों गोबां कौटि रांखौ बोखांनो हादों। झारखान्ड केडार 2000 बेटसनि IAS पुजा सिंघलनि नखराव दिनै इ डिआ हरखाब संदान्नाय जायो। सुलुंनि बादिब्ला, इ डिआ दिनै फुंनि समाव हादरनि गुबुन-गुबुन गासै मोन 20 जायगाफोराव संदान्नो। इ डिआ मिथिहोनाय बादिब्ला, हादरनि गोदान दिल्ली, मुम्बाइ, जयपुर, फरीदाबाद, गुरुग्राम, मुजफ्फरपुर, रान्ची आरो गुबुन माखासे जायगाफोरावबो रां जाख्ल’नायनि अजदखौ मोन्नानै हरखाब संदान्नाय जायो। जोबोद रायखांनो गोनांदि, IAS पुजा सिंघलनि न’आव संदान्नानै इ डिआ गासै 25 कौटि रांखौ बोखांनो हानायजों लोगोसे माखासे आयेन बेरेखा फोरमान बिलाइफोरखौबो मोन्नो हाबावदों। इ डिआ IAS पुजा सिंघलनि न’आव बोखांनो हानाय गोबां कौटि रांखौ आयेननि दखलाव लानानै दासान्दि आयेन बेरेखा रां दोन्थुमनायनि सायाव सोंनाय-फिन्नायखौ सोलिहोबाय थादों होन्नानै सुलुंनिफ्राय मिथिनो मोन्दों।

कंग्रेस दोलोनि बारग’ एम एल ए आब्दुर रहिम खानआ कंग्रेस दोलोखौ नागारबाय

By
BODOLAND रादाब
-
0
Ex MLA Abdur Rahim Resign from Congress

बरपेटा, 6 मे 2022: कंग्रेस दोलोनि बरपेटा बिधान सभा बियाबनि बारग’ एम एल ए आरो जिल्ला कंग्रेसनि आफादगिरि आब्दुर रहिम खानआ दोलोनि प्राइमारि बिबानखौ दिनै नागारबाय। आसाम प्रदेश कंग्रेसनि आफादगिरि भुपेन बरानिसिम गांसे लाइजामखौ दैथायहरनानै आब्दुर रहिम खानआ गावनि कंग्रेस दोलोखौ नागारनाय बाथ्राखौ रोखायै मिथिहोयो। दोलोखौ नागारनाय समाव बारग’ एम एल एआ बुंबावदों, बे समाव कंग्रेस दोलोजों राइजो-राजाफोरा गैलिया।

मखनो गोनांदि, कंग्रेस दोलोखौ नागारनायनि उनाव बारग’ एम एल ए आब्दुर रहिम खानआ मौलाना बद्रुउद्दिन आजलमनि दैदेन्नाय ए आइ इउ डि एफ दोलोयाव हाबफिन्नो हासिगौ होन्ना सुलुंआ फोरमायदों। आब्दुर रहिम खानआ बरपेटा बिधान सभा बियाबनिफ्राय थांनाय 2011 माइथायनि बिसायखथियाव ए आइ इउ डि एफ दोलोनि जानानै बिजाथि महरै गसंदोंमोन।

नाथाय थांनाय 2018 माइथायाव बारग’ गिबि मन्थ्रि तरुन गगैनि नुजाथिनायाव आब्दुर रहिम खानआ कंग्रेस दोलोयाव हाबो। गुबुन फारसेथिं, खाननि दोलो नागारनायनि उनाव कंग्रेस दोलोआ राफिकुल हकखौ बरपेटा जिल्ला कंग्रेस कमिटिनि गोदान आफादगिरि महरै थिसन्नाय जायो।

नगावनि SI जुनमनि राभानि जानो गोनां हौवा गोदानखौ पुलिसआ हमबाय

By
BODOLAND रादाब
-
0

नगाव, 6 मे: नगाव सदरनि साब-इन्सपेक्टर जुनमनि राभाखौ थगायनाय दायाव बिनि जानो गोनां हौवा गोदानखौ नगाव पुलिसआ हमबाय। हमजानाय दायनिगिरखौ RANA POGAG होनना मिथिनो मोनो। जुनमनिआ अजद होनायनि उनाव पुलिसआ रानाखौ हमदों। बे दायनिगिरआ माजुलिनि थागिबि आरो आइजो साब-इन्सपेक्टर जुनमनि राभाजों जुलि जानो गोनांमोन आरो गावखौनो बियो ONGC(OIL AND NATURAL GAS COMMISSION) आव पाब्लिक रिलेसननि सासे अफिसार होनना सिनायथि होनानै लादोंमोन। मिथिनो मोननाय बादिब्ला, बिसोर सानैजों अक्ट’बर दानावनो आस्थाम सोनानै जुलिनि रादाय खादोंमोन। नभेम्बर दानाव बिसोर सानैजों जुलि जानो गोनांमोन। नाथाय जुनमनी राभायाव दा बिखौ सासे गेदेर थगायसुला होननानै मिथिनो मोन्दों। पुलिसआ बुंथिना होनाय बादिब्ला, बे दायनिगिरि सिगांआवबो गोबां सुबुंफोरखौ थगायना बिसोरनिफ्राय रां लुथिनानै लादों। बे दायनिगिरिनिफ्राय गांसे नंखाय ONGC IDENTITY CARD, गंनै लेपटप, गं 13 सिल, मोन 9 पासबुक आरो चेक बुक, गंनै मबाइल फन, गंसे पेन ड्राइभजों लोगोसे गंनै वाकि टकिस बोखांनो हायो।

पाकिस्तानआव 5.1 गोख्रोंथिनि बांग्रि मावनायजों न’-बां खहा

By
BODOLAND रादाब
-
0
Earthquake in Pakistan

काराची, 6 मे 2022: भारतनि नसुंसे हादर पाकिस्तानआव दिनै हरखाब बांग्रि मावनाया सुबुंफोरनि खहा जानायखौ मिथिनो मोन्दों । सुलुंनिफ्राय मिथिनो मोन्नाय बादिब्ला, रियेक्टार स्केलआव गासै 5.1 गोख्रोंथिनि बांग्रि मावनाया पाकिस्ताननि खावसे बाहागोखौ सोमावग्लुंदों। दिनै फुंनि समाव पाकिस्तानआव फैनाय बांग्रि मावनायनिफ्राय सुबुंफोरा रैखाथि मोन्नायनि थाखाय न’ सिंनिफ्राय बाइजोआव ओंखारनाङो। पाकिस्ताननि अनगायैबो नसुंसे हादर आफगानिस्तान आरो इरानआवबो दिनै फुंनि समाव मावनाय बांग्रिनि गोहोमआ गोग्लैदों।

फारसेथिं, पाकिस्तानआव बांग्रि मावनायजों सुबुंफोरनि गिनानै खारला बायनायखौ नुनानै जायगानि खुंथाया गिनाङा होन्नानै फोसावदों आरो गोजोनै थानो खावलायदों।

गाहाइ मन्थ्रि नरेन्द्र मडिआ हादरनि गेजेराव बिदुं दुंखावनायनि सायाव गोनांथार मेल जथुमदों

By
BODOLAND रादाब
-
0
PM Modi on Rising Heatwave India

गोदान दिल्ली, 5 मे 2022: भारत हादरनि गुबुन-गुबुन राज्योफोराव दासान्दि बिदुं दुंखावनाय एबा सान्दुंनि गरमजों सुबुंफोरनि खैदां-खैफोद सैनांनाय जेंनाखौ लानानै दिनै गाहाइ मन्थ्रि नरेन्द्र मडिआ हरखाब मेल जथुमदों। भारत सरकारनि मोनसे पिटिआइ सुलुंआ फोरमायनाय बादिब्ला, फैगौ गोलोम बोथोरनि पार्लियामेन्ट जथुम्माजों लोगोसे हादरनि गेजेराव बिदुं दुंखावनायजों सुबुंफोरनि गोबां जेंनायाव गोग्लैनाय आयदानि सायाव बिबानगिरिफोरजों सावरायनाय जायो। मखनो गोनांदि गाहाइ मन्थ्रि नरेन्द्र मडिआ सान्थामनि हाबाफारिजों इउरप हादर दावबायहैनायखौ फोजोबनायनि उनावनो हादरनि गेजेराव गरम बोथोरजों सुबुंफोरनि जिउ खहा जानाय जेंनाखौ गोनांथार होनानै दिनै बिबानगिरिफोरजों सावरायनाय जायो।

रायखांनो गोनांदि, थांनाय 122 बोसोरनि गेजेराव महाराष्ट्र राज्योयाव बे बोसोराव बयनिख्रुइबो बांसिन गरम जादों। जायनि थाखाय गरम बोथोरखौ सहायनो हायैजों दासिम सा 25 सुबुंफोरा जिउ गोमादों। IMD नि रिपर्ट बादियैब्ला, थांनाय एप्रिल दानआव हादरनि माखासे राज्योफोराव बांसिन गरम जादों। जरखायै महाराष्ट्र, उत्तर प्रदेश, राजस्तान, मध्य प्रदेश, बिदार्भआव 46 डिग्री सेलसियासनि बांसिन गरम जाहैदों।

गाहाइ मन्थ्रि नरेन्द्र मडिआ फैगौ 16 मेआव नेपाल हादराव दावबायहैगोन

By
BODOLAND रादाब
-
0
PM Modi Nepal Visit May 2022

गोदान दिल्ली, 5 मे 2022: भारतनि गाहाइ मन्थ्रि नरेन्द्र मडिआ इउरपनि दरथाम हादराव दावबायहैखांनायनि उनाव फिन गुबुन हादराव दावबायहैनायनि थांखि लाबावदों। मिथिनो मोन्नाय बादिब्ला, गाहाइ मन्थ्रि मडिआ सोलिफु मे दाननि फैगौ 16 अक्टआव नेपाल हादर दावबायहैगोन। बुंनो थाङोब्ला, गाहाइ मन्थ्रि नरेन्द्र मडिआ थांनाय 2019 माइथायाव गाहाइ मन्थ्रि महरै बिसायखजाफिन्नायनि उनाव गिबि खेब नेपाल हादराव दावबायहैगोन। फैगौ 16 मेआव दावबायनायनि थांखि लानाय हाबाफारि बादियै गाहाइ मन्थ्रि मडिआ नेपाल हादरनि बुद्ध पुर्निमा फोरबोयाव बाहागो लागोन। बेनि अनगायैबो गाहाइ मन्थ्रिआ गौतम बुद्धनि जोनोम जायगा लुमबिनियावबो दावबायहैगोन। दिनै नेपालनि गाहाइ मन्थ्रिनि प्रेस एडभाइजार अनिल पारियारआ बे बाथ्राखौ मिथिहोयो।

भारतनि गाहाइ मन्थ्रि नरेन्द्र मडिआ गावनि दावबायहैनाय समाव नेपालनि गाहाइ मन्थ्रि सेर बाहादुर देउबाजों दरनै हादरनि गुबुन गुबुन गोनां आयदाफोरनि सायाव सावरायगोन। नेपालनि गाहाइ मन्थ्रि देउबाआ थांनाय दानआव गोदान दिल्लीयाव दावबायफैखांबाय। बिथांआ बे खेबनि नेपालआव भारतनि गाहाइ मन्थ्रि दावबायहैगोनखौ भारत-नेपालनि थाखाय जोबोद गोनांथार होन्नानैबो फोरमायदों।

1...93949596Page 94 of 96

Follow Us On

311,000FansLike
2,714FollowersFollow
203,000SubscribersSubscribe

Latest News

EDITOR PICKS

POPULAR POSTS

POPULAR CATEGORY

©