BODOLAND रादाब : ढेकियाजुलि, 5 नभेम्बर 2022: दिनै सनितपुर जिल्लानि सिङाव थानाय ढेकियाजुलि बातासिपुर हालामनि हाग्रा ओनसोलनि रायजो-राजाफोरनो 2006 मायथाइनि हाग्रा हा मोन्थाइ आयेननि गेजेरजों हानि फोरमान बिलाइखौ सुदेमजुलि गुदि फरायसालिनि गेलेग्रा फोथाराव गासै सा 1301 बिजाथिफोरनो राननानै होबाय।
मख’नो गोनांदि, बे हाबाफारियाव बड’लेण्ड हायुंआरि गौथुमनि गाहाइ मावफुं सोद्रोमा मुस्रि प्रमद बर’ आरो आसामनि मन्थ्रि मुस्रि इउ. जि ब्रह्म, मन्थ्रि मुस्रि अशक सिंघाल लोगोसे सनितपुर जिलानि जिल्ला बेंगिरि आरो दुलाराय बर’ फरायसा आफादनि आफादगिरि मुस्रि दिपेन बर’ बिथांमोनहा बे हाबाफारियाव बाहागो लानानै हानि फोरमान बिलाइखौ राननानै होयो।
बे हाबाफारियाव बाहागो लानानै ओनसोलनि जेंनानि सायाव गुवारै बेखेवनानै होयो बड’लेण्ड हायुंआरि गौथुमनि गाहाइ मावफुं सोद्रोमा मुस्रि प्रमद बर’ आरो दुलाराय बर’ फरायसा आफादनि आफादगिरि मुस्रि दिपेन बर’ लोगोसे आसामनि मन्थ्रि मुस्रि इउ जि ब्रह्म बिथांमोनहा।
