शराइदेव, 11 जुन, 2022: बिमा बिफाया गावनि फिसाफोरखौ जेरैखि जाया रैखा खालामनो नाजायो । नाथाय बेनि उल्थासो मोनसे जाथाइ सोमजिदों आसामनि शराइदेव जिल्लायाव । गोबाव समनिफ्रायनो लोमजानानै थानाय फिसाज्लाखौ गावनि आखाइजोंनो बुथारो सासे बिफाया । बेनि उनाव गावनि असे फिसाज्लानि गोथै देहाखौ गंसे दैमायाव गारना दोन्हैदों अननाय गैयै बिफाया ।
बे जाथाइया सनारी ओनसोलनि आईदेवबारी साहा बागाननि साखाथियाव जादों । दायनिगिरि बिफाखौ दा पुलिसआ आसामनि सराईदेव जिल्लानिफ्राय खाबाय । हमजानाय बिफानि मुंखौ जगन्नाथ गवाला होननानै मिथिनो मोन्दों । जाय गावनि लोमजानाय फिस्ज्ला नरेश गवालाखौ बुथारनानै टिवक दैमायाव गारनानै दोन्दों ।
