बाक्सानि मुसलपुराव सेल्फ हेल्प ग्रुपनो बोरमा रानदों मावफुं सोद्रोमा राकेश ब्रह्मआ।
बिटिआर नि क’क्राझार, चिरां, बाक्सा, तामुलपुर आरो अदालगुरि जिल्लायाव थाबैनो बोरमा फिसिनायनि थांखि Goat Mission सोलिगोन। फैगौ डिसेम्बर दाननिफ्राय बोरमा फिसिनाय मिसनखौ मावनो थाखाय थांखि लादों बिटिआर सरकारनिफ्राय। बे बाथ्राखौ बिटिआर नि मावफुं सोद्रोमा राकेश ब्रह्मआ बाक्सा जिल्लानि मुसलपुराव सेल्फ हेल्प ग्रुपनो बोरमा राननानै फोरमायथियो । BTR आव Goat Mission नि गेजेरजों बोरमानि फार्म खालामनानै ओन्सोलनि रायजोफोरखौ रांखान्थियारि मदद खालामनाय आरो फालांगियारि मुलाम्फा खालामनो थाखाय बे थांखिजों सरकारा लादों बेनि थाखाय हानि एबा जायगा नायफामनाया सोलिगासिनो दं होन्नानै फोरमायथियो मावफुं सोद्रोमा राकेश ब्रह्मआ ।
