गोदान दिल्ली, 11आगस्ट 2022: आयजो आरो हौवानि सोमोनदोआ फोथायनायनि सायावसो सोनारो ।फोथायनाय गैयाब्ला सोमोनदोआ गोबाव समसिम थिखिनानै थाया। माखासे खेब बार हौवाफोरा गावसोरनि गोरोन्थिखौ मानिनानै लाया आरो अख्रा आखु दिन्थिनायनि जाहोनावनो सोमोनदोआ बायो।
हौवाफोरनि माखासे आखु दिन्थिनायखौ आयजोफोरा मोजां मोनआ।बेफोर जादों…
- माखासे हौवाफोरा गावनि आयजो पार्टनारखौ रायनानै बाथ्रा रायज्लायो आरो आयजोखौ दबथायनो नागिरो।जाय हौवाफोरा सनमान होनानै बाथ्रा रायज्लायो आयजोफोरा बेबायदि हौवाखौसो मोजां मोनयो।लाजिफोनांग्रा हौवाफोरखौ आयजोफोरा मोजां मोनआ।
- बांसिन हौवाफोरा साखोन सिखोनखौ मोजां मोनयो।नाथाय गावखौनो मोजाङै साखोन सिखोन लाखिआ।आयजोफोरा हौवाफोरनि साखोन सिखोन थायैखौ सहायनो हाया।जायनि जाहोनाव सम सम हौवा हिनजावनि गेजेराव दावराव दावसि जायो।बे दावराव दावसि जानाया बांसिननिफ्राय बांसिन जालांब्ला सोमोनदोआ बायनो हमो।
- माखासे हौवाफोरा रिलेसनसिपआव थाब्लाबो गुबुन आयजोफोरखौ जंखायो।बेबायदिआव आयजोआ सानोदि गावनि लोगोआ सोमोनदोखौ लानानै सिरियास नङा।बेनि थाखायनो आयजोफोरा हौवाफोरखौ नागारो।
- माखासे हौवाफोरा गाव माबे मुवाखौ मोजां मोनयो आरो माबेखौ मोजां मोनआ बेनि फारसेल’ गियान गोनां जायो।नाथाय आयजोआ माबे मुवाखौ मोजां मोनयो आरो माबेखौ मोजां मोनआ बे बाथ्राखौ जोथोन लाया।हौवाफोरनि बेबायदि आखुनि जाहोनावबो सोमोनदोआ बायनो हागौ।
- जुदि हौवाआ खनले खनले नंखाय बाथ्रा बुङो आरो खोथा बानायनायाव आखा फाखाब्ला, बेयो गावनो गाव सोमोनदोनि दौलेंखौ लोरबां खालाम लांगासिनो दं।बेबायदि आखु दिन्थिबाय थायोब्ला आयजोआ फोथायनो हायै जागोन आरो सन्देह खालामबाय थागोन।
