बरमा, 12 आगष्ट, 2022: दारागाव दिरिं Cooperative Society आरो 64 BN बरमा निकासि आउट पष्ट जथायै इन्द्रलाल हिनजावसा गोजौ फरायसालियाव 75थि बोसोर “आजादी का अम्रित महात्सव”जों लोब्बा लाखिनानै सांग्रांथियारी मेल खुंफुङो। हाबाफारियाव 64 BN बरमानि कामानदेन्ट Y. Kumar बिथांजों लोगोसे दारागाव दिरिं Cooperative Society नि आफादगिरि जगदिस रामचियारीआ बाहागो लायो। बाहागो लानानै फरायसुलिफोरनि गेजेराव सांग्रांथि लाबोयो।
बेजों लोगोसे हादरनि फिरफिलाखौ गांफा-गांफा राननानै होयो । साग्रांथियारि मेल जोबखांनायनि उनाव निकासि आउट पष्टनि पुलिस हानजा आरो दारागाव दिरि Cooperative Society आ जथायै मोनसे हान्जा सुरनाय बान्जायो। बे हान्जा सुरनाया फुंबिलिनि 7 बाजिनिफ्राइ जागायो। निकासि धनस्रिपुर गामियाव आखाइ आखाइ फिरफिला लानानै 15 आगष्ट थामहिनबा उदांस्रि सानखौ बरायनानै गोजोननि हान्जाखौ सुरो।
