सा-सानजा रायजोफोरनि 6th Schedule ओन्सोलफोरखौ लानानै बिटिआर सोरखारनि बानजायनायाव खुंफुंजानाय ISPL जोलुर बादायलायनाय सोलिबाय थानाय गेजेरावनो रायजोनि गेजेराव दुंहाव थासारि लाबोनो नाजादों माखासे दुथां सुबुंफोरा । बाक्सा जिल्लानि मुसलपुर बाथौफुरियाव खुंफुंनाय ISPL जोलुर बादायलायनायनि लामानि सेर सेर बरायनाय पस्टाराव थानाय बिटिआरनि गाहाइ मावफुंगिरि प्रमद बर’, केबिनेट मन्थ्रि इउ.जि ब्रह्म, बिटिआरनि आखान्थि मावफुं सोद्रोमा गबिन्द’ बसुमतारिजों लोगोसेनो बिटिआरनि गोबां EM फोरनि सावगारिफोरखौ 100 था निबो बांसिन बिसिलांजोबदों दुथां सुबुंफोरा । जायनि थाखाय गोख्रों रावजों सोंखारिदों मावफुं सोद्रोमा राकेश ब्रह्मया । बेजों लोगोसेनो जाय सुबुंफोरा बेफोरबादि अगियान खामानिखौ मावदों बिसोरखौ हमनानै थाबैनो साजा होनो गसर थिसन्दों पुलिस बिफानाव । बिटिआरनि गाहाइ मावफुंगिरि प्रमद बर’नि सावगारिजों लोगोसेनो मिनिस्टार आरो EM सुबुंफोरनि सावगारिखौ बिसिनाय दायनिगिरिफोरा उननि समाव बेफोरबादि खामानि मावनायनिफ्राय जानगाराव थानांगौ आरो मेघालय आरो बेंगालराव सिरि खामानि मावनानै थाहैनांगौ होनना खावलायो मावफुं सोद्रोमा राकेश ब्रह्मया ।