Monday, May 27, 2024

1999 माइथायनि सा 591 फोरोंगिरिफोरनि अरायथा साख्रिनि गनायथिखौ बि टि आर सरकारा दिनै मावफुंबाय ।

क’क्राझार, 1 अक्टबर, 2022 : सोलोंथाइ बिथिंखौ जौगाखांहोनाय आरो फरायसाफोरनो गोगो सोलोंथाइ होनायखौ नोजोर लाखिनानै 1999 माइथायनि सा 591 फोरोंगिरिफोरखौ बि टि आर सरकारनिफ्राय अरायथा साख्रिनि गनायथिखौ होबाय । बाक्सा जिल्लानि मुसलपुराव बि टि आरनि गाहाइ मावफुंगिरि प्रमद बर’नि नुजाथिनायाव सा 591 फोरोंगिरिफोरनो अरायथा साख्रिनि थिसन्थाइनि फोरमान बिलाइखौ दिनै गथाइनाय जायो । बेजों लोगोसेनो माखासे थालांनाय फोरोंगिरिफोरखौबो नायबिजिरनायनि गेजेरजों थाबैनो थिसन्थाइखौ होनाय जागोन होनना बुंथियो ।

बि टि आरनि गं 10 फरायसालिमाफोरखौ सरकारि खालामनो गनायथि होनो थाखाय आसाम सरकारा केबिनेटआव बिथांखि लानायखौ थाबैनो फोसावनाय जागोन होननाबो मिथिहोयो बि टि आरनि गाहाइ मावफुं सोद्रोमा प्रमद बर’आ । बेजों लोगोसेनो हाग्रामा महिलारिनि थांनाय सरकारा 1999 माइथायनि फोरोंगिरिफोरनो थिसन्थाइ होनो गोसो गैयै आरो सोलोंथाइ बिथिंयाव खामानि मावनो गोसो गैयैनि थाखायनो बिथांमोनखौ नासयनानै दोन्दोंमोन । नाथाइ आथिखालनि सोरखारा बेनि सायाव गोख्रों खामानि मावनानै थिसन्थाइखौ फारि फारियै होबाय होननाबो बुंथियो । गुदि आरो गेजेर फरायसालिनि सा 591 फोरोंगिरिफोरनो अरायथा थिसन्थाइ होनाय समाव आसामनि केबिनेट मन्थ्रि इउ.जि ब्रह्म, बि टि आरनि मावफुं सोद्रोमा रन्जित बसुमतारी, राकेश ब्रह्म, घन्सयाम दास, धनन्जय बसुमतारि, एम एल ए जलेन दैमारि, बाक्सा जिल्लानि जिल्ला बेंगिरि मासान्दा मेकडालिन पारटिन, एम सि एल ए मन्टु बर’, दिलीप बर’ बिथांमोनजों लोगोसेनो गोबां बाहागो लानायखौ नुनो मोनो ।

BODOLAND रादाब
BODOLAND रादाबhttp://bodolandradab.in
Bodoland Radab Headquarter in Kokrajhar town of BTR, Assam is the Number 1 Bodo News Portal of Bodoland (Officially BTR).

Related Articles

LEAVE A REPLY

Please enter your comment!
Please enter your name here

Stay Connected

311,000FansLike
2,714FollowersFollow
203,000SubscribersSubscribe

Latest Articles