Monday, May 27, 2024

दाहाल थुंग्रिया बर’ हारिनि सिनायथि बेखौ लानानै राजखान्थि खालामनो नांङा : समाज सिबियारि बलराम बर’ ।

30 सेप्टेमम्बर: बि टि सिनि गाहाइ दरखं मोखांआव बर’ माहारिनि सिनायथि महरै दाहाल थुंग्रि होनायखौ बि टि सिनि एम सि एल ए एबा बि पि एफ दोलोनि बिजाथि देरहासार बसुमतारिया एबसु’नि सिनायथि सिननि सायाव बाथ्रा बुंनायनि सायाव खेंफोरथि होदों तामुलपुर जिल्लानि समाज सिबियारि आरो बारग’ रेडियो महरगिरि बलराम बर’आ । बि टि सिनि गाहाइ हाबलांग्रा दरखंयाव होनाय दाहाल थुंग्रिनि सिनायथिया बर’ माहारियादि दाउहारु हारि, बर’फोरा राजा दंमोन रायजो दंमोन आरो गोख्रों दावहा नांबोनानै रायजोखौ खुंबोदोंमोन बेखौ फोरमायनो थाखायसो होनाय जादों । बेखौ दुलाराइ बर’ फरायसा आफादा बाहायबोदोंबाबो बेयो एबसु’निल’ जानो हाया आरो गासैबो बर’ माहारिनिनो मोनसे सिनायथिसो । बेनिखायनो बेखौ लानानै राजखान्थि खालामनो नांङा होनना समाज सिबियारि बलराम बर’आ बुंथियो ।

बेजों लोगोसेनो गाहाइ दरखं मोखांयाव असमिया रावजोंबो लिरनांगौ बुंनायनि सायाव बुंथियोदि बि टि सिनि गाहाइ दरखं मोखांनि अनगायैबो गुबुन मावखुलियाव असमिया रावजोंबो लिरनाया समानै दंखायो । बेनिखायनो बेफोरखौ लानानै राजखान्थि खालामनो नांङा होनना बुंथियो समाज सिबियारि बलराम बर’आ।

BODOLAND रादाब
BODOLAND रादाबhttp://bodolandradab.in
Bodoland Radab Headquarter in Kokrajhar town of BTR, Assam is the Number 1 Bodo News Portal of Bodoland (Officially BTR).

Related Articles

LEAVE A REPLY

Please enter your comment!
Please enter your name here

Stay Connected

311,000FansLike
2,714FollowersFollow
203,000SubscribersSubscribe

Latest Articles