हानय, 8 सेप्तेम्बर, 2022: मोनसे दुखुनांथाव जाथाइ । खोला भियेटनामनि मोनसे KAROAKE बारआव गिख्रंथाव अर नांदों । जेराव 32 सुबुंफोरा जिउ खहा जायो । भियेटनामनि हादरगिरि गुयेन जुआन फुकआ जिउ गोमानाय सुबुंफोरनि थाखाय दुखु मोननाय फोरमायदों । बियो सरकारि बिबानगिरिफोरखौ जिउ खहा जानाय नख’रफोरनो मदद आरो अर नांनायनि जाहोनखौ थाबैनो संदाननो थाखाय बिथोन होदों ।
सरकारि खौरां बिजोंनि गेजेरजों मिथिनो मोननाय बादिब्ला, बिन्ह दुअंगनि थुआन नोगोरनि गंसे बिल्डींआव जाथाइया सोमजिदोंमोन । जायनि सिङाव गोबां मावफारियाजों लोगोसे ग्राहकफोरबो दंमोन । अरखौ थाबैनो खोमोरनो हादोंमोनब्लाबो अरखिनि दोहौआ फुंसिमआवबो जोबनानै थाङाखै । भियेटनाम खौरां बिजोंआव सा 32 सुबुंफोरनि जिउ खहा जादों होनना फोसावदों ।
गंसे माइक्रफन लानानै देंखोजों लोगोसे मेथाइ रोजाबफानानै रिकर्ड खालामनायखौ KAROAKE बुंङो । जेराव गोबां सुबुंफोरा थांनो मोजां मोनो । बेबादि मेथाइ रोजाबनो थांनाय समावनो अर खामनायलाय बेनिफ्राय रैखा मोननो थाखाय सुबुंफोरा गाहाइयाव बाज्रुमदोंमोन । जायनि थाखाय सुबुंफोरा गोबां जोखोमबो जानांदों । अर खोमोरग्रा बिफानआ गारियाव जांख्ला लानानै माखासे सुबुंफोरखौ रैखा खालामदों ।
