अखाफोर बिखायाव सुबुंफोर थाहैनो हागोन जायगाखौ सं दाननानै मोननो हाबाय।

गोदान दिल्ली,28 जुलाइ 2022: बिगियानगिरिफोरा अखाफोराव सुबुंफोर थानो हानाय जायगाखौ सं दाननानै दिहुननो हाबाय।बे जायगानि बिदुङा मोजां। बे जायगाआव एसे बोथोर सोलायनायजों सुबुंफोरा मोजाङै थानो हागोन आरो बेवहाय थानानै हाबा फारिबो मावनो हागोन।अखाफोराव इयुनाव Human Colony बानायनो थाखाय बे सं दाननाया मख’जाथाव फोरमान जानो हागौ।

NASA नि लुनार रिकन्सेन्स आर्बिटारनि मददजों अखाफोराव हाखर थानाय बायदि जायगाखौ सं दाननानै दिहुननो हादों।बे हाखर सिङाव 17 डिग्री सेल्सियास बिदुं दं।इयुननि समाव अखाफोरनि बेबायदि हाखराव Human Colony बानायनो हागोन।

अखाफोरनि बिखायाव सुबुंफोर थानो थाखाय बे हाखरखौ सं दाननो हानायनि रिपर्टखौ जिय’पिजिकेल रिसार्च लेटार्स जार्नालाव दिन्थिनाय जादों।बिगियानगिरिफोरा अखाफोराव सुबुंफोर थानो हाथाव हाखरखौ मोननायाव गोमोदों।अखाफोराव साननि समा नै स्पताह गोलावसिन जायो।

अखाफोराव सुबुंफोर थानो हानाय जायगाखौ Sea of Tranquility आव मोनदों।बे हाखरा 328 फुट गोथौ। बे हाखरनि बिदुङा अखाफोरनि गुबुन सा बाहागोनिफ्राय एसेल’ सोलाय सोल’ जायो। NASA नि गडार्ड स्पेस फ्लाइट सेन्टारनि LRO प्रजेक्टनि बिगियानगिरि नआ पेट्रआ बुंदों अखाफोरनि हाखरा गोबां गोमोथाव।जुदि बेनि बिदुङा दिदोमथियै थाबाय थाब्ला बेवहाय Human Colony बानायनो हागोन।

नआ पेट्रआ फोरमायबावदों अखाफोरनि हाखरखौ गिबि खेब 2009 माइथायाव सं दाननो हादोंमोन। बे हाखराव एस्ट्रनटफोरा रैखाथियै थानो हागोन। मानोना बे हाखराव सलार रेडिएसन,बिदुंनि खमायनाय बारायनाय आरो फिसा उल्कापिन्डफोरनि गोहोमआ गोग्लैनाय नङा।