गोदान दिल्ली, 28 जुलाइ 2022: गेजेर आप्रिका हादरनि अंगोला (Angola) आव गलाब गाबनि हिरा बोखांनो हानाया मुलुगावनो गोमोहोदों। सुलुंआव मिथिनाय बादिब्ला अस्ट्र’लियानि दाइमण्ड कम्पानिनि सासे मावसुमाआ बे गलाब गाबननि हिराखौ बोखांनो हादों। मिथिनाय बादिब्ला बे गोमो गाबनि हिरा एबा Pink Diamond आ 300 बोसोर गोजाम। बे गलाब गाबनि हिराआ गासै 170 कौरेत एबा 34 ग्राम। बेनि बेसेनखौ दा थि मिथिनाय जायाखै, बेखौ मोजांयै फोसाबखांनायनि उनावसो रोखा फोरमायनो हागोन होन्ना अंगोलानि Mineral Research Minister दियामंतीनो अजेवेदोआ बुङो।
बे गलाब रिहानि मुंखौ The Lulo Rose मुं दोन्नाय जायो। मानोना बे गलाब गाबनि हिराखौ Lulo Mining खालामग्रा थावनिआव मोन्नाय जादों। बेनिखायनो बेनि मुंखौ ‘The Lulo Rose’ मुं दोन्नाय जायो। थांनाय 2017 इं माइथायावबो 59. 6 कौरेट ‘गलाब स्टार हिरा ‘ (Pink Star Diamond) बोखांनो हाखांबाय। बे Pink Star Diamond खौ Hong Kong आव निलामिआव 71. 2 मिलियन डाँलर्स एबा 567. 86 कौटि रांआव फानजादोंमोन। नाथाय Pink Dimond आ Pink Star Diamond नि बेसेबांबा बुरजा फारागथियाव फानजानो हागौ होन्ना सुलुंआव फोरमायदों।
