कक्राझार, 10 आगष्ट, 2022: Assam Wushu Association आ Sanma Brahma खौ बरायो। आफादनि आफादगिरि M. Choudury आरो गाहाइ नेहातारि Ranjit Boro आ रांनि अनसुंथाइ होनानै बरायदों। गावनि नांथाब नाजाथाब आरो बावसोमनानै USA नि Alabama आव खुंफुंजानाय World Games आव भारतनिफ्राइ हारसिङै बाहागो लादोंमोन आरो 4थि मासिखौ आवग्रिनो हादोंमोन। बेनि अनगायैबो बिथाङा माहारियारि थाखोनि गोबां गेलेनाय बादायलायनायाव बाहागो लानानै मेडेल मोन्नो हानानै गावनि मुंजों लोगोसे ओनसोलनि गेजेराव गोग्गानाय लाबोनो हादों। BTR नि CEM प्रमद बर’आ रांखान्थियारि अनसुंथाइ हरनानै बिथांखौ मदद हरदोंमोन। आरो गोनांथि बायदियै फोरोंगिरिनि फोरोंथाइ मोनाखैमोनब्लाबो गावनि नाजानायनि गेजेरजों जाफुंसारनो हादों होन्ना State Technical Coach उदांश्रि बसुमथारीआ फोरमायनानै होदों। लोगोसेनो फैबाय थानाय गुजरातआव जानो गोनां 36थि National Games बादायलायनायावबो बाहागो लाहैगोन आरो बे हाबागो लानायाव BTR सरकारखौ रांखान्थियारि मदद हरनानै हेफाजाब होनो थाखायबो State Technical Coach उदांश्रि बसुमथारीआ खावलायो।
BTR ओनसोलनि थाखाय गोजोन्थावना बाथ्रादि थांनाय 7 निफ्राइ 8 आगष्टसिम खुंफुंजानाय All Assam Wushu Championship, 2022 गेलेनाय बादायलायनायाव BTR नि राजथावनि आरो गोजोननि नोगोर क’क्राझारनिफ्राय गासै सा 5 wushu गेलेगिरि हान्जाया मेडेल देरहानो हानानै ओनसोलनि गोग्गानाय लाबोनो हादों। बे गेलेनाय बादायलायनाया DTRP नि Indoor Stadium आव थांनाय 7 निफ्राय 8 आगष्टसिम खुंफुंजादोंमोन।
फारियै गाहायनि गेलेगिरिफोरा मेडेलखौ मोन्नो हादोंमोन –
- Sanma Brahma (2 Gold), Taijiquan & Taijijian event
- Doctor Basumatary (2 Gold), Optional Nanquan Event
- Rajnikanta Basumatary (Gold), Optional Taijiquan Event
- Pramad Brahma (Bronze)
मिथिनो मोनबावनाय बायदिब्ला बिंथांमोनहा खुंफुंजानो गोनां National Wushu championship 2022 बादायलायनायाव बाहागो लाहैगोन। बेनि अनगायैबो Sanma Brahma आ गुजरातआव जानो गोनां 36थि National Games आव बाहागो लानायनि थाखाय मासि आवग्रिनो हाबाय। मिथिनो मोन्नाय बायदिब्ला बे बादायलायनाया 27 सेप्तेम्बरनिफ्राय जागायगोन आरो 10 अक्ट’बराव जोबहैगोन।
