आबादारिफोरखौ फोरोंथाइ होनाय आरो सुबुं सम्पद सोरजिनाय थांखिजों मावबादा खुंदों ।

बाक्सा एग्रो पिद पारमार प्रदिउचार कम्पानी लिमिटेड आरो चल्ट रेन्स पुट प्राइवेट लिमिटेडनि बान्जायनायाव पारमार ट्रेनिं आन्दार हिउमेन रिचार्ज दिभलपमेन्ट, चेन्ट्रेल इन्सटिटिउट अप एग्रिकालचारा आबादारिफोरखौ फोरोंथाइ होनाय आरो सुबुं सम्पद सोरजिनाय थांखिजों हरटिकालचारनि फोरोंथाइ मावबादा खुंदों । बे मावबादानि गेजेरजों आबादारिफोरखौ बायदि रोखोमनि आबाद मावनायखौ फोरोंनाय जादों । हरटिकालचारनि कपि गायनाय, चिथ्रबेरी आबाद, द्रागन आबाद, आलु आबाद मावनाय बायदिफोरखौ मा बायदियै गायो आरो जोथोन लानो नांगौ बेनि बागै रोखायै फोरोंथाइ होनाय जादों । बाक्सा जिल्ला जालाह ब्लकनि ADO कैलाश तालुकदारा ट्रेनार महरै सा 100 आबादारिफोरनि नुजाथिनायाव हरटिकालचार आबाद मावनायनि बागै गुवारै फोरमायथिनानै होदों । मख’नो नांगोनदि बे हाबाफारिखौ खुंफुंनायाव बाक्सा जिल्ला एग्रो पिद पारमार प्रदिउचार लिमिटेडनि बिथोनगिरि निसान नार्जारी आरो समबारु बर’ , चल्ट रेन्स पुट प्राइवेट लिमिटेडनिफ्राय जोंसार मोसाहारी, कारलारच दैमारि, उदिपत’ बसुमतारी बिथांमोनहा बाहागो लादोंमोन ।