आसामनि गिबि मन्थ्रि ड० हिमन्त बिस्व शर्मा आरो बिटिआरनि गाहाइ मावफुं सोद्रोमा प्रमद बर’नि नुजाथिनायजों तामुलपुर जिल्लायाव 882.21 कौटि रां बाहायनानै गुबुन-गुबुन जौगालु बिथांखिफोरनि अन्थाइ खाम्फा गायसननाय, हादाब फुजिनाय हाबाफारि लादों। गाहायै बिटिआर गोरोबथाजों फैफानाय तामुलपुर जिल्लायाव गोदान थाखोनि खाबु थानाय सावस्रि फरायसालिमा आरो फाहामसालिनि हादाब फुजिनाय, मथंगा दैसानि सायाव गंनै, बाल्टि दैसानि सायाव गंसे आर सि सि दालां लुफुंनाय जागोन।
कुमारिकाता नयाबस्ति लामाखौ फोजौखांनायजों लोगोसेनो फाग्लादिया दैमानि सायाव दालां लुंफुंनो अन्थाइ खाम्फा गायसंगोन। तामुलपुराव मिनि स्टेडियाम, तामुलपुर आरो नाग्रिजुलियाव गंनै आदर्श फरायसालि आरो गं 9 आदर्श अंगनवाडि मिरुखौ गाबोन मोनसे हाबाफारिजों गाबोन बेखेवगोन।
मख’नो गोनांदि आसामनि केबिनेट मन्थ्रि इउ.जि ब्रह्मआ बेफोर अन्थाइ खाम्फा गायसननो गोनां मोनफ्रोमबो जायगायावनो नायदिंनानै बेफोर बाथ्राखौ दिनै फोरमायथियो।
