काराची, 2 मे 2022: पाकिस्ताननि बारग’ गाहाइ मन्थ्रि इमरान खानखौ जायखिजाया समावनो हमनो हासिगौ। मोनसे सुलुंनिफ्राय मिथिनो मोन्नाय बादिब्ला, पाकिस्ताननि गाहाइ मन्थ्रि शाहबाज शरीफनि हेंथायै सोंखारिनाय, हस्रिखावनायनि दायाव बारग’ गाहाइ मन्थ्रि इमरान खानजों लोगोसेनो सा 150 सुबुंफोरनि हेंथायै केस थिसन्नाय जाबाय। पाकिस्तान सरकारनि खुंथाय दोलोयाव थानाय PML-N नि हेफाजाबगिरिया फोरमायनाय बादिब्ला, मदिनायाव नुजाथिनाय जाथाया इमरान खाननि बिथोनआवनो जादों। बे जेंनानि सायावनो पाकिस्तान सरकारनि नखर बिफाननि मन्थ्रि राणा सनाउल्लहआ बुंदोंदि, बारग’ गाहाइ मन्थ्रि इमरान खानखौ मदिनायाव नुजाथिनाय जाथायाव लोब्बा थानायनि थाखाय हमनाय जागोन।

मखनो गोनांदि, पाकिस्ताननि इस्लामाबादआव बे जेंनाखौ लानानै केस थिसन्नाय जादों। जेराव इमरान खानजों लोगोसे सा 150 सुबुंफोरनि हेंथायै केस जाबसिन्दों। बारग’ गाहाइ मन्थ्रि इमरान खाननि सायाव मदिना बायदि मजिदनि गोथार जायगाखौ गुबुंले खालामनायनि गोख्रों केस थिसनबावदों। जाहोनाव, बारग’ गाहाइ मन्थ्रि इमरानआ गावनि खुंथायनिफ्राय दोरोदनाय लोगो-लोगो जेंनायाव गोग्लैदों आरो बे जेंनानिफ्राय बारगनो गोब्राब जागोनखौ नुनो मोन्दों।