Saturday, June 8, 2024

महाराष्ट्रआव बिदुं दुंखावनायजों दासिम सा 25 सुबुंफोरनि जिउ खहा

(122 बोसोरनि गेजेराव एप्रिल दानआनो बयनिख्रुइबो गरमसिनमोन)

महाराष्ट्र, 3 मे 2022: गोलोम बोथोरआ जागायजेन्नाय समनि गेजेरावनो भारत हादरनि माखासे राज्योफोराव बिदुं दुंखावनाय एबा सान्दुंनि गरमआ बांसिन जानायखौ बोथोर बिफान IMD आ मिथिहोदों। IMD नि मोनसे रिपर्टआ फोरमायनाय बादिब्ला, हादरनि गेजेराव महाराष्ट्र राज्योयाव बिदुं दुंखावनायजों दासिम सा 25 सुबुंफोरा जिउ गोमाबाय। अदेबानि 122 बोसोरनि गेजेराव सोलिफु बोसोरनि थांनाय एप्रिल दानआनो बयनिख्रुइबो गरमसिन बोथोर जादोंमोन। IMD आ मिथिहोनाय बादिब्ला, गरमखौ सहायनो हायैनि जाहोनाव महाराष्ट्र राज्योनि बिदार्भआव सा 15, नागपुरआव सा 11, आकलाआव सा 3, अमराभतिआव सासे, माराठावादाआव सा 6, जालना आरो सा महाराष्ट्रनिफ्राय सा 4 सुबुंफोरा जिउ गोमादों। IMD नि रिपर्टआ फोरमायबावदोंदि, महाराष्ट्रनि माखासे जिल्लाफोराव बिदुं दुंखावनाय एबा सान्दुंनि गरमआ गासै 46 डिग्री सेलसियाससिम थांदों। जाहोनाव बिदुंनि दुंखावनायखौ सहायनो हायैजों दासिम सा 25 सुबुंफोरा जिउ गोमानो गोनां जायो। दासान्दि महाराष्ट्र सरकार खुंथाया गरम बोथोरनिफ्राय सुबुंफोरखौ रैखाथि होनो नाजानाय बाथ्राखौबो सुलंआ फोरमायदों। मखनो गोनांदि, बोसोरै भारत हादरनि गेजेराव बिदुंनि दुंखावनाय एबा सान्दुंनि गरमआ बारायबाय थानायजों सुबुंफोरा खैफोदनि फारसे बुगिनांगोनखौ नुहरदों आरो बेयो मोनसे गिदिर जिंगासिथावना जादों।

BODOLAND रादाब
BODOLAND रादाबhttp://bodolandradab.in
Bodoland Radab Headquarter in Kokrajhar town of BTR, Assam is the Number 1 Bodo News Portal of Bodoland (Officially BTR).

Related Articles

LEAVE A REPLY

Please enter your comment!
Please enter your name here

Stay Connected

311,000FansLike
2,714FollowersFollow
203,000SubscribersSubscribe

Latest Articles