हादतयाव दावराव दावसि सोमजिहोनानै राजखान्थि खालामनाय नेम खान्थिया सोलिदों

गोदान दिल्ली, 3 मे 2022: सोनाब बंगनि गिबि मन्थ्रि ममता बेनार्जीया इद फोरबोनि खाबुयाव सुबुंफोरखौ सोमोनदो लानानै बुंदों दावराव दावसि सोमजिहोनानै हादतखौ गावस्रा होनाय राजखान्थि सोलिदों।नाथाय बेबायदिया गाहाम जायाखै।जों सुबुंफोरनि गेजेराव खौसेथियै थानायखौ लुबैयो। मोजां सानया फैगोन, नाथाय बयबो सुबुंफोरजों लोगोसेयैसो फैगोन। बयबो खौसेयै थानानै हाबा फारि मावनांगोन।जाय सुबुंफोरा हिन्दु मुस्लमानफोरखौ गावस्रा होनायनि बाथ्रा बुङो बिसोरनि खोथाखौ खोना संनो नाङा। ममताया बुंबावदों,बिसोरबायदि सुबुंफोरा गावखौ गोबां सोंखारि।नाथाय नोंथांमोनहा आंनो दावहा नांनो गोहो होदों,बेनो आंखौ देरहासात खालामो।सोनाब बंगायाव सुबुंफोरनि गेजेराव जेरैबायदि खौसेथि दं , बेबायदिया भारतनि गुबुन रायजोयाव गैया।बेबायदि खौसेथिखौ नुनानै थुज्लायग्रा सुबुंफोरा गिखाङो।जायनि जाहोनाव आंखौ लाजिफोनाङो।इयुनावबो बेबायदि सुबुंफोरा आंखौ लाजिफोनांबाय थागोन। नाथाय जों गिख’ नङा, बेबायदि सुबुंजों जों दावहा नांनो रोंगौ।