गुवाहाटी, 3 आगष्ट, 2022: आसामनि सासे उदांश्रि सोमावसारनायाव गोख्रोङै बाहागो लाबोनाय जितेन गस्वामीआ रुंसारि जाबाय। बिथाङा 97 बोसोर बैसोआव रुंसारि जाबाय। 1925 इं माइथायनि 17 सेप्तेम्बर अक्ट’खालि बिथाङा आसामनि बजालि जिल्लानि पाटासारकुसि जिल्लायाव जोनोम मोन्दोंमोन। मिथिनो मोन्नाय बायदिब्ला दिनै बुधबारखालि गुवाहाटीनि सिलपुकुरिआव थानाय गावनि न’आव फुंबिलिनि 4.20 रिंगायाव बे बुहुमखौ अबथिरायै नागार लांबाय। बिथांखौ सासे गोख्रों उदांश्रि दावहारु होन्नानै मिथिनाय जायोमोन। सोमावसारनायनि गेजेरजों उदांश्रि लाबोनायाव बिथांनिबो गोख्रों बिहोमा दङ। जायनि थाखाय बिथांखौ उदांश्रि दावहारु होन्नानै मिथियो।