“आदब आरो गुनगोनां सोलोंथाइ मावथांखि 2021-2025” खौ लोब्बा लाखिनानै बरमा दखरा दुलाराय बर’ फरायसा आफादआ “दावहारु अंगद चन्द्र चौधुरी” गोसोखां 13 बोसोर बैसो सिंनिफ्राय हौवासाफोरनि जोलुर गेलेनाय बादायलायनायखौ थांनाय 29 जुलाइनिफ्राय जागायनानै दिनै 31जुलाइआव फोजोबनाय जाबाय। दिनैनि जोबथि गेलेनायाव जेखाइखना गामि आरो दिधेलिनि गेजेराव जोबोर नारा नाथा जुजिलायनाय गेलेनायखौ नुनो मोनो। गेलेनायनि गासै सम(Full Time) आव मोननैबो हानजाया 1-1 गलआव समान जालायो जाउनाव Tiebreaker नि जोहै दिधेलि हानजाया देरहासार जानो हायो। बे गेलेनायाव साबसिन गेलेगिरि महरै दिधेलिनिफ्राय मिजिं बर’ आ मोन्नो हायो। आलासि महरै बाहागो लाफैयो बागसा जिल्ला एबसुनि आफादगिरि उमेस दैमारि , लोगो बुंथिगिरि कुमुद बर’, दावहारु अंगद चन्द्र चौधुरिनि अनसुलि फिसाजो थामहिनबा मुंदांखा खन्थाइगिरि मुस्रिमा रशमि चौधुरी बिथांमोना।