तामुलपुर जिल्लानि राभा हारिनि आफादफोरा जथाइयै गोनांथार सावरायमेल खुंफुंदों।

0
135
Rabha Meeting in Tamulpur

गोदानै दाफुंजानाय तामुलपुर जिल्लानि बेन्दोंयाव थानाय दुलाराय राभा फरायसा आफाद, अल राभा नेसनेल काउन्सिल, निकिल राभा कर्मचारी परिचद, बि आर के आर, टाटला राभा क्रिष्ट्री संघ बायदि राभा माहारिनि आफादफोरा जथाइयै सानसेनि हाबाफारिजों जामगुरियाव गोनांथार सावरायमेल खुंफुंदों । राभा हारिखौ खौसेथि लाखिनाय, राजखान्थियारि जेंना, रांखान्थियारि जेंना, समाजारि जेंना, सोलोंथाइनि जेंना, हारिमुवारि जेंना बायदिखौ लानानै गोथौयै सावरायदों आरो बेफोर जेंनाफोरनि सायाव खामानि मावनो बिथांखि आजावदों । बे हाबाफारियावनो आरसुनि आफादगिरि निपेन कान्डा गाहाइ आलासि महरै बाहागो लानानै राभा हारिनि आद्रा जानानै थानाय जेंनाफोरखौ मावफुंनो थाखाय सोरखारनि फारसे गोख्रों दाबि खालामदों । बेजों लोगोसेनो नजेंनाफोरखौ मावफुंनायाव तामुलपुर जिल्लानि राभा हारिनि सुफुंफोरनिफ्राय थोजासे मदद मोनगोनखौ आसा फारिदों । तामुलपुर जिल्ला राभा माहारि आफादफोरनि जथाइयै सावरायनाय बे हाबाफारियाव अल राभा नेसनेल काउन्सिल आफादगिरि नरेन राभा, BRKR नि गाहाइ नेहाथारि राजकुमार राभा, बिटिआरनि एम सि ल ए हेमन्त कुमार राभा, दुलाराय राभा कर्मचारी परिषदनि आफादगिरि कमलेस्वर राभा, तामुलपुर जिल्ला राभा फरायसा आफादनि आफादगिरि पुर्ण सिं राभा बिथांमोनजों लोगोसेनो गोबां दैदेनगिरिफोरा बाहागो लादोंमोन।

LEAVE A REPLY

Please enter your comment!
Please enter your name here