गाहाइ मन्थ्रि नरेन्द्र मडिआ 91थि ‘मन कि बाठ’ हाबाफारियाव जर’खायै हादोरनि नोगोरारिनिसिम बिबुंथि लाखियो। हादोरनि थाखाय उदांस्रि सोमावसारनायाव मुंख्लं जानाय उटम सिंहनिसिमबो सिबिनाय जासियो गाहाइ मन्थ्रिआ।
गाहाइ मन्थ्रिआ ‘मन कि बाठ’ हाबाफारियाव बुङोदि ’उदांस्रिनि 75थि बोसोरा जोंनि थाखाय जोबोरैनो गोनांथि सान।’ उदांस्रिनि अमृत महस्तपनि आवथायाव 13 आगष्टनिफ्राय 15 आगष्टसिम नख’र नख’र फिरफिला बिरहोनोबो खावलायदों गाहाइ मन्थ्रिआ। बेनि अनगायैबो ससियेल मेडिया बाहायग्रा साफ्रोमबो नोगोरारिफोरखौ 2 आगष्टनिफ्राय 15 आगष्टसिम फिरफिलानि प्रफाइल सावगारि लाखिनो खावलायो गाहाइ मन्थ्रिआ। मानोना 2 आगष्टआ फिरफिलानि दाथाइ बानायग्रा पिंगली भैकैयानि जोनोम सान।
