आफगानिस्तान, 18 आगष्ट, 2022: आफगानिस्तनआ तालिबानजों सासन खुंजानायनिफ्राय थासारिया गाज्रिनिफ्राय गाज्रि जालांगासिनो दं । आफगानिस्तानआव सुबुंफोरनि जिउ खुंनाया गोब्राब जालांनो हमदों । सानफ्रोमबो बै हादराव उदखारिफोरनि आखाइयाव गोबां सुबुंफोरनि जिउ गोमानांदों । बेबादि थासारिनि गेजेरावनो हादरनि राजथावनि काबुलआव मज्जिदआव मोनसे गिख्रंथाव बम बेरफ्रुदों । जेराव नामाज फरायबाय थानाय सा 20 सुबुंफोरा जायगायावनो जिउ खोमानाङो । बेजों लोगोसेनो सा 40 निख्रुइबो बांसिन सुबुंफोरा गाज्रियै जोखोम जादों । जाथाइनि खौरां मोननानै रैखाथि हानजाया जाथाइथिलिसिम थांदों । बेनि उनावसो जोखोम जानाय सुबुंफोरखौ फाहामथाइ होनो फाहामसालिसिम लानानै थांनाय जादों । बे जाथाइनि सिङाव आफगानिस्तानआव सासन खालामनाय मुस्लिम हादरनि आखाइ दं होननानै साननाय जादों । अदेबानि तालिबानआ जाथाइयाव जिउ गोमानाय आरो जोखोम जानायनि फारसे जेबो खौरां होयाखै । नाथाय अल जलजीराआ सा 20 सुबुंफोरा जिउ गोमादों आरो सा 40 निख्रुइबो बांसिन सुबुंफोरा जोखोम जादों होनना फोरमायो । बेनि सिगाङावबो काबुलआव मोनसे गिख्रंथाव बम बेरफ्रुनायजों सा 8 सुबुंफोरा जिउखौ खोमानानै लानो गोनां जादोंमोन ।
