गोदान दिल्ली,19 आगस्ट 2022: दिल्लीनि लेङाइ गिबि मन्थ्रि मनिष सिसदियानि न’आव CBI आ खना खनला सिग्रोमदों।बे बाथ्राखौ लेङाइ गिबि मन्थ्रि मनिष सिसदिया टुइट खालामनानै फोरमायदों आरो बियो टुइटआव लिरदों CBI फैदों।बिसोरखौ बरायो।जोङो फोथाय जाथाव सुबुं।लाख लाख गथ’फोरनि इयुनखौ मोजां खालामदों।नाथाय दुखुनांथाव बाथ्रादि जोंनि हादतआव जाय मोजां खामानि मावयो , बेखौ जेंनाआव खोख्लैयो।बेनि थाखायनो जोंनि हादतआ दासिमबो नम्बर 1 जायाखै।
सिसदियाआ बुंदों बिसोरो दिल्लीनि सोलोंथाय आरो गाहाम देहानि मोजां हाबा मावनायखौ सहायनो हायाखै।बेनि थाखायनो दिल्लीनि सावस्रि मन्थ्रि आरो सोलोंथाय मन्थ्रिखौ होबथानो नाजादों।जाहाते सोलोंथाय आरो सावस्रिनि मोजां खामानि मावनायखौ होबथानो हायो।जों सानैनि सायाव नंखाय दाय जाबसिनदों।कर्टआव तार बाथ्राखौ मोनथिनो मोनगोन।
CBI नि नायबिजिरनायखौ फुरायै हेफाजाब होगोन।जाहाते तार बाथ्राखौ थाबैनो बयबो मोनथिनो हायो।दासिमाव आंनि सायाव गोबां केस थिसनबाय।नाथाय जेबो फोरमानखौ होनो हायाखै। CBI आबो जेबो फोरमानखौ मोननाय नङा।हादताव मोजां सोलोंथायनि थाखाय आंनि हाबा मावनायखौ होबथानो हानाय नङा।
दिल्लीनि गिबि मन्थ्रि अरबिन्द केजरिवालआ CBI आ सिग्रोमनायनि उनाव मनिष सिसदियाखौ रैखाथि होदों।बियो टुइट खालामनानै लिरदों दिल्लीनि सोलोंथाय आरो सावस्रि मडेलखौ मुलुगनाङै सावरायदों।बेनि थाखायनो बेखौ होबथानो नाजादों।थांनाय 75 बोसोराव जाय मोजां खामानि मावदों बिखौ होबथानाय जादों।बेनि थाखायनो भारतआ उन जानानै दं।नाथाय दिल्लीनि मोजां खामानि मावनायखौ थाद’होनाय जानाय नङा।
केजरिवालआ बुंबावदों जाय सानाव आमेरिकानि बयनिख्रइ देरसिन खौरांलाइ निउवार्क टाइम्सनि फ्रन्ट पेजाव दिल्लीनि सोलोंथाय मडेलखौ बायखोनायनानै मनिष सिसदियानि सावगारिखौ सेबखांदों,बे सानावनो मनिषनि न’आव मिरुआ CBI खौ दैथायहरदों।
